మహిళ త్వరగా గర్భం ధరించాలంటే?

మీ ఫలదీకరణను తగ్గించే కారణాలు అనేకం ఉంటాయి. ఫలదీకరణను వ్యతిరేకంగా ప్రభావించే కొన్ని చెడు అలవాట్లను మన దైనందిన జీవితంలో మనకు తెలియకుండానే ఆచరిస్తూ వుంటాం. వాటిని మనం మార్పు చేసుకోగలిగితే, సంతాన సఫలత కలగటమే కాక పుట్టే సంతానం కూడా ఎంతో ఆరోగ్యకరంగా వుంటారు. సంతాన సఫలతను వ్యతిరేకంగా ప్రభావించే అంశాలు కొన్ని చూడండి.

పొగతాగడం - పొగతాగడం మహిళ శరీరంలోని ఫేలోపియన్ ట్యూబులను, గర్భాశయాన్ని పాడు చేస్తుంది. గర్భవిచ్ఛిన్నాలు జరిగే అవకాశం కూడా లేకపోలేదు. కనుక పొగతాగేవారైతే, సత్వరమే గర్భం పొందాలనుకుంటే, పొగ తాగడం మానుకోవాలి.

ఒత్తిడిని తగ్గించుకోవడం, నిద్రను అధికం చేయడం
మహిళలో ఫలదీకరణ మరియు ఒత్తిడి, నిద్రను దూరం చేసుకోవడం అనేవాటికి నేరు సంబంధాలున్నాయి. ఇవి అనేక స్టడీలలో కూడా నిరూపించబడ్డాయి. ఒత్తిడి ఫలదీకరణను వ్యతిరేకంగా ప్రభావిస్తుంది. కనుక ఒత్తిడి తగ్గించే జీవన విధానాలు ఆచరించాలి. మీ రుతుక్రమం సవ్యంగా జరిగేలా చేసుకోవాలి.

ప్రతిరాత్రి మీ నిద్ర గాఢంగా పట్టేలా చేసుకోవాలి. నిద్ర సరిగా లేకుంటే లెప్టిన్ అనే హార్మోన్ కొరతపడి ఫలదీకరణపై ప్రభావం చూపుతుంది. ఒక్కొక్కరికి ఒక్కో రకంగా తగినంత నిద్ర అవసరమైనప్పటికి. కనీసం రాత్రి నిద్ర మహిళలకు 6 గంటలు ఏ అడ్డంకి లేకుండా వుండాలి. నిద్ర శరీరాన్ని మరోమారు ఉత్తేజపరిచి, రోజులోని ఒత్తిడిని పూర్తిగా తీసివేస్తుంది.

బరువు తగ్గాలి
అధిక బరువు వుండే మహిళలకు త్వరగా గర్భం రాదు. పొట్టచుట్టూ చేరే కొవ్వు ఫేలోపియన్ ట్యూబులను, అండాలను ప్రభావింపజేసి ఆమె పిరీయడ్స్ సరిగా రాకుండా కూడా చేస్తుంది. బరువున్న మహిళ బరువు తగ్గితే, గర్భం ధరించే అవకాశం అధికంగా వుంటుంది.

విటమిన్లు ఇతర పోషకాలు
గర్భం ధరించాలనుకునే మహిళ పోషక విలువలు కల ఆహారం తింటూ, శరీరానికి తగిన విటమిన్లు, మినరల్స్ వంటివి తీసుకోవాలి. గర్భ విచ్ఛిన్నాలు, పిండం సరిగా ఎదగకపోవడం వంటివి ఏర్పడకుండా చూసుకోవాలి. ప్రతిరోజూ విటమిన్ సి వుండే తాజా పండ్లు, కూరలు, గుడ్లు, వంటి సహజ ఆహారాలు తినాలి.

ఫలదీకరణ మెరుగుపరచుకోవడం అంటే, అన్ని రకాలుగా శారీరక, మానసిక ఆరోగ్యాన్ని పొంది బేబీ కొరకు గర్భం ధరించడం. ఆరోగ్యవంతమైన శరీరం, చక్కటి సంతానోత్పత్తి కలిగిస్తుంది.