గర్భణిగా ఉన్నప్పుడు తప్పనిసరిగా పాటించాల్సిన నియమాలు....

Pre Natal

oi-Saraswathi

By Sindhu

Updated: Friday, August 10, 2012, 13:50 [IST]

సాధారణంగా మనుషుల మధ్య ఉండే అన్ని అనుబంధాలలోకి ముఖ్యమైనది మాతృబంధం. అతి ముఖ్యమైనది అపూర్వమైంది కూడా. తల్లీ బిడ్డల మధ్యఏర్పడే మమతానుబంధం ఎంతో బలమైంది కూడా. పాపో, బాబో పుట్టిన తర్వాత మాత్రమే తల్లిదండ్రుల మధ్య ప్రేమానుబంధం ఏర్పడుతుందని అనుకుంటే పొరపాటు. శిశువు గర్బంలో ఉన్నప్పటి నుంచీ తల్లీబిడ్డల మధ్య ఇతరులకు తెలియని మంతనాలు మొదలవుతాయి. తల్లి మీద ఉండే ప్రభావం బిడ్డ మీద కూడా తప్పకుండా ఉంటుంది. కాబట్టి అటువంటి బిడ్డ కోసం కొన్ని జాగ్రత్త తల్లి పాటించాల్సి ఉంటుంది. మరి జాగ్రత్తలేంటో చూద్దాం....

1. పొగతాగడం చేయరాదు. సిగరెట్‌లో వుండే నికోటిన్‌ బేబీకి చేరి కేన్సర్‌ కలిగించే ప్రమాదం వుంది. అంతేకాక గర్భ విచ్ఛిన్నం లేదా కడపులోని బిడ్డ చనిపోవటం వంటివి కూడా జరుగవచ్చు.
2. హానికర పదార్థాలకు, రసాయనాలకు సాధారణంగా ఇంటిలో వాడే క్లీనర్లలోని సీసం, మెర్కురీ వంటివాటికి పురుగుమందులు, పెయింట్‌ వంటివాటికి దూరంగా వుండాలి.
3. రెగ్యులర్‌ గా వాడే మందులు కూడా డాక్టర్‌ సలహాపైనే వాడాలి.
4. పిల్లి, కుక్క వంటి పెంపుడు జంతువులను గర్భవతులు శుభ్రం చేయరాదు. టాక్సోప్లాస్మోసిస్‌ కారణంగా కడుపులో బిడ్డకు హాని కలుగుతుంది.
5. వేడి బాత్‌ రూమ్‌, లేదా వేడినీటి స్నానం, సౌనా, వంటి అధిక ఉష్ణోగ్రతలు కూడా పిండానికి, ఆమెకు హాని కలిగిస్తాయి.
6. తన యోని శుభ్రతకై ఆమె వాడే స్ప్రేలు లేదా ఇతర ద్రవాలు ఆమెకు గాల్‌ బ్లేడర్‌ ఇన్ఫెక్షన్‌ కలిగిస్తాయి.
7. గర్భవతి ఎక్స్ రే తీయించుకునే విషయంలో కూడా డాక్టర్‌ సలహాపాటించాలి.
8. అధిక బరువులు ఎత్తడం, వంటివి చేయరాదు. దీనివలన బలహీనమైన కండరాలు, పొట్ట సాగి పెద్దవయ్యే ప్రమాదం వుంది.
9. గర్భవతి తన జుట్టుకు రంగు వేయరాదు. పుట్టే బిడ్డకు కేన్సర్‌ కలిగించే ప్రమాదం వుంది. చర్మం ఈ రసాయనాలను పీల్చి రక్తప్రసరణలో కలిపేసే ప్రమాదం కలిగిస్తుంది.
10. స్త్రీలు గర్భం దాల్చిన మూడు మాసముల తర్వాత, ప్రసవించిన మూడు మాసములు వరకు యోగ విద్య నభ్యసించకూడదు. ఉదయం నడక మాత్రం చేయవలయును.