గర్భిణీలు సహజంగా వచ్చే ఆరోగ్యసమస్యలు: నివారణ

వాంతులు

వికారం, వాంతులు ఈ సమస్య వున్నవారు ఉదయం అతి మెల్లగా పడకపైనుండి లేవాలి. లేచిన వెంటనే ద్రవపదార్ధాలు కాకుండా పొడిగా వుండే పదార్ధాలు లేదా బిస్కట్ వంటివి తీసుకోవాలి. ఎపుడు కావాలంటే అపుడు కావలసినంత వివ్రాంతి, నిద్ర తీసుకోవాలి. ఆహారం కొద్దిగాను, తరచుగాను తీసుకోవాలి. ద్రవాలు అధికంగానే తీసుకోండి. తినటం మానరాదు. ఇది పరిస్ధితిని మరింత తీవ్రం చేస్తుంది.

మార్నింగ్ సిక్ నెస్

గర్భం ధరించిన మహిళల్లో ఉదయం పూట వికారం, వాంతి వచ్చేటట్లు ఉండటం, తరచూ మనస్సు మారడం, మనస్సులో గందరగోళం వంటివి మొదటి త్రైమాసికంలో తప్పనిసరిగా ఎదుర్యే సమస్యలు. కొంత మంది గర్భిణీ స్త్రీలలో ఈ లక్షణాలు రెండవ త్రైమాసంలో కూడా ఉంటాయి.

వాపులు

గర్భిణీలో మరో సాధారణ సమస్య శరీరంలో ముఖ్యంగా కాళ్ళు, పాదాలు, చేతుల్లో వాపులు సాధారణ సమస్య . ఎక్కువ సమయం నిల్చోవడం, లేదా కూర్చోవడం వంటివి అవాయిడ్ చేసి సౌకర్యవంతమైన చెప్పులు ధరించాలి.

బరువు పెరుగుట

గర్భధారణలో చాలా మంది బరువు పెరుగుతారు కాబట్టి, అందుకు బయపడాల్సిన పనిలేదు. అయితే తినడంలో జాగ్రత్తలు తీసుకోవాలి. మితంగా తినాలి.

నిద్రలేమి

కొన్నిమార్లు రాత్రులందు మంచి నిద్ర పట్టదు. అటువంటపుడు ఒక తలగడను మీ పొట్ట కింద వుంచి పక్కకు తిరిగి పడుకోండి. గర్భధారణ సమయంలో శరీరంలో జరిగే అనేక హార్మోనుల ప్రభావం వల్ల నిద్రలేమి సమస్య ఏర్పడుతుంది. ముఖ్యంగా ఒళ్ళు నొప్పులు నిద్రాభంగం కలిగిస్తుంది.

అలసట

దీనికి పరిష్కారం విశ్రాంతి మాత్రమే. ఎక్కడ కూర్చున్నా కాళ్ళు పైనపెట్టి కూర్చోండి. నిద్ర ఎపుడు వచ్చినా పడుకోండి. కుటుంబంలో మీరు ఒక రాణిలా మర్యాదలు పొందండి.

వెన్ను నొప్పి

గర్భం ధరించిన మహిళల శరీరంలో రోజురోజుకు పిండం పెరిగేకొద్ది, శరీరంలో ఇతర ఎలిమెంట్స్ తో పాటు, చర్మం కూడా చాలా సాప్ట్ గా మరియు స్ట్రెచ్చీగా మార్పు చెందుతాయి. మరియు ఇది మిమ్మల్ని ప్రసవానికి సిద్దం చేయడానికి నిధానంగా ఇలా మార్పు చెందుంతుంటాయి . పిండం పెరుగుదల, గర్భంలో స్థల ఏర్పడటానికి కండరాలు సడలించడం వల్ల లోయర్ బ్యాక్ పెయిన్ మరియు పెల్విస్ జాయింట్స్ లో నొప్పి ఏర్పడటానికి కారణం అవుతంది.

పొత్తికడుపులోనొప్పి

గర్భిణీ స్త్రీలో ఒది ఒక సాధరణ ఆరోగ్య సమస్య. గర్భధారణ సమయంలో అకస్మాత్తుగా కడుపులో నొప్పి, తిమ్మర్లుగా కండరాలు తిమ్మిరులుగా భావన కలుగుతుంది, కడుపులో లేదా పాదాల్లో కూడా ఇటువంటి మార్పులు జరుగుతుంటాయి. ముఖ్యంగా రాత్రులు ఏర్పడేటటువంటి ఒక సాధారణ గర్భధారణ సమస్య.

మలబద్దకం

గర్భిణీ స్త్రీలలో అతి సాధారణ సమస్య మలబద్దకం. కాబట్టి అధిక ఫైబర్ కంటెంట్ కలిగిన ఆహారాలు తీసుకుంటూ, అధికంగా నీరు త్రాగాల్సి ఉంటుంది. గింజలు, పండ్లు, కూరగాయలు వంటి వాటి ద్వారా పీచు అధికంగా తీసుకోండి. తగినంత నీరు తాగితే ఈ సమస్య వుండదు.

కాళ్ళు తిమ్మురలు

మడమ, కాళ్ళు వంటివి ప్రతిరోజూ మెల్లగా వ్యాయామాలు చేస్తే రక్త సరఫరా మెనరుగుపడి తిమ్మిర్లవంటివి తగ్గుతాయి.

దీనికి పరిష్కారం విశ్రాంతి మాత్రమే. ఎక్కడ కూర్చున్నా కాళ్ళు పైనపెట్టి కూర్చోండి. నిద్ర ఎపుడు వచ్చినా పడుకోండి. కుటుంబంలో మీరు ఒక రాణిలా మర్యాదలు పొందండి.

శ్వాసలో ఇబ్బందులు

గర్భిణీ స్త్రీలకు ఒత్తిడి పెరిగే కొద్ది,శ్వాస తీసుకోవడంలో ఇబ్బంది కలుగుతుంది. అలా అసౌకర్యంగా అనిపించినప్పుడు, కాస్త విశ్రాంతి తీసుకోండి.