Latest Updates
-
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు! -
చలికాలంలో శరీరానికి వెచ్చదనాన్నిచ్చే ఆరోగ్యకరమైన నువ్వుల పట్టీ..ఇంట్లోనే ఇలా చేసుకోండి! -
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..
కూరల్లో పెరుగు వేసేటప్పుడు ఇలా చేస్తే అస్సలు విరిగిపోదు..సెలబ్రిటీ చెఫ్ టిప్స్!
భారతీయ వంటకాల రుచి ప్రపంచవ్యాప్తంగా ప్రసిద్ధి చెందింది. ముఖ్యంగా మన గ్రేవీ కూరల గురించి ఎంత చెప్పినా తక్కువే. షాహీ పనీర్, కధి, దమ్ ఆలూ వంటి వంటకాలను తలుచుకుంటేనే నోటిలో నీళ్లు ఊరుతాయి. ఇలాంటి వంటకాల రుచిని, ఆకృతిని రెట్టింపు చేయడానికి మనం విరివిగా ఉపయోగించే పదార్థం పెరుగు. గ్రేవీలో కొద్దిగా పెరుగు కలపడం వల్ల దానికి కమ్మని క్రీమీ టెక్స్చర్ రావడమే కాకుండా, కాస్త పుల్లటి అద్భుతమైన రుచి తోడవుతుంది.

అయితే పెరుగుతో వంట చేసేటప్పుడు చాలామంది గృహిణులు, వంట ప్రియులు ఎదుర్కొనే అతి పెద్ద సమస్య ఏమిటంటే.. వేడి వేడి గ్రేవీలో పెరుగు వేయగానే అది ఒక్కోసారి విరిగిపోయి, ముక్కలు ముక్కలుగా తేలుతుంది. ఎంతో కష్టపడి, ఇష్టపడి చేసిన వంటకం ఆఖరి నిమిషంలో ఇలా విరిగిపోయిన పెరుగు వల్ల చూడటానికి అసహ్యంగా తయారవుతుంది. రుచి కూడా పూర్తిగా మారిపోతుంది.
అసలు పెరుగు ఇలా ఎందుకు విరిగిపోతుంది? దీనికి ప్రధాన కారణం ఉష్ణోగ్రతల్లోని తీవ్రమైన మార్పులు,పెరుగును గ్రేవీలో కలిపే విధానంలో చేసే తప్పులే. ప్రముఖ సెలబ్రిటీ చెఫ్ పంకజ్ భదౌరియా వంటగదిలో మనం ఎదుర్కొనే ఇలాంటి సమస్యలకు చక్కటి పరిష్కారాలను తన ఇన్ స్టాగ్రామ్ వేదికగా ఎప్పటికప్పుడు పంచుకుంటూ ఉంటారు. గ్రేవీలో పెరుగు అస్సలు విరిగిపోకుండా ఉండాలంటే ఏం చేయాలో ఆమె రెండు అద్భుతమైన చిట్కాలను చెప్పారు. అవేంటో ఇక్కడ చూడండి.
గది ఉష్ణోగ్రతకు తీసుకురావడం
చాలామంది చేసే పొరపాటు ఫ్రిజ్ నుంచి పెరుగును తీయగానే నేరుగా దానిని
వేడి గ్రేవీలో వేసేయడం. ఇలా అస్సలు చేయకూడదు. చెఫ్ పంకజ్ సూచన
ప్రకారం..మీరు వంటకు ఉపయోగించే పెరుగును కనీసం 15 నిమిషాల ముందే
ఫ్రిజ్ నుంచి బయటకు తీసి పెట్టుకోవాలి. అప్పుడు అది చల్లదనం తగ్గి,
సాధారణ గది ఉష్ణోగ్రతకు (రూం టెంపరేచర్) చేరుకుంటుంది. ఇలా ఉష్ణోగ్రత
సమతుల్యంగా ఉన్న పెరుగును వాడటం వల్ల వేడికి అది విరిగిపోయే అవకాశం
చాలా వరకు తగ్గుతుంది.
మంట ఆర్పేసి, బాగా గిలకొట్టడం
రెండవ ముఖ్యమైన నియమం ఏమిటంటే.. పెరుగును గ్రేవీలో వేసే ముందు స్పూన్
లేదా విస్కర్ సహాయంతో ఉండలు లేకుండా మెత్తగా క్రీమ్ లాగా గిలకొట్టాలి.
ఆ తర్వాత, స్టవ్ మంటను పూర్తిగా ఆర్పేయండి. ఇప్పుడు గిలకొట్టిన
పెరుగును ఆ గ్రేవీలో వేసి, కనీసం ఒక్క నిమిషం పాటు ఆపకుండా గరిటెతో
వేగంగా కలుపుతూనే ఉండాలి. ఇలా చేయడం వల్ల పెరుగు గ్రేవీలో చక్కగా
కలిసిపోయి, అద్భుతమైన ఆకృతిని ఇస్తుంది.

రుచితో పాటు ఆరోగ్య నిధి..
పెరుగు కేవలం వంటకాల రుచిని పెంచడమే కాదు, మన ఆరోగ్యానికి ఒక సంజీవని
లాంటిది. ఇందులో ప్రోటీన్లు, కాల్షియం, విటమిన్ బి12, పొటాషియంతో పాటు
ప్రోబయోటిక్స్ అనబడే మంచి బ్యాక్టీరియా పుష్కలంగా ఉంటాయి. ఇవి మన
ప్రేగుల ఆరోగ్యాన్ని కాపాడి, జీర్ణక్రియను మెరుగుపరుస్తాయి. కడుపులో
మంట, గ్యాస్, అజీర్తి వంటి సమస్యలను దూరం చేయడంలో పెరుగు అద్భుతంగా
పనిచేస్తుంది.
రోజూ మీ ఆహారంలో పెరుగును చేర్చుకోవడం వల్ల ఎముకలు దృఢంగా మారతాయి, శరీరంలో రోగనిరోధక శక్తి అమాంతం పెరుగుతుంది. అంతేకాదు, చర్మం నిగనిగలాడేలా చేయడంలో, జుట్టు రాలడాన్ని అరికట్టడంలో కూడా పెరుగులోని పోషకాలు సహాయపడతాయి. ముఖ్యంగా వేసవికాలంలో శరీరాన్ని డీహైడ్రేషన్ బారిన పడకుండా కాపాడి, తక్షణ శక్తిని ఇవ్వడంలో పెరుగుకు సాటి మరొకటి లేదు.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
