Latest Updates
-
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు! -
చలికాలంలో శరీరానికి వెచ్చదనాన్నిచ్చే ఆరోగ్యకరమైన నువ్వుల పట్టీ..ఇంట్లోనే ఇలా చేసుకోండి! -
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..
చపాతీ,అన్నంలోకి అదిరిపోయే కాంబినేషన్..కమ్మటి పెరుగు-బెండకాయ కర్రీ చేసుకోండిలా..
బెండకాయతో ఎప్పుడూ ఒకే రకమైన ఫ్రై,పులుసు వెరైటీలు తిని బోర్ కొట్టిందా? అయితే పెరుగు బెండకాయ కర్రీ ట్రై చేయండి. పెరుగులోని కమ్మని పులుపు, వేయించిన బెండకాయలోని చిన్నపాటి కరకరలాడే గుణం కలిసి ఈ వంటకాన్ని అద్భుతంగా మారుస్తాయి. దీని తయారీ సులభం. రెస్టారెంట్ స్థాయిలో ఉండే పెరుగు బెండకాయ కర్రీని ఇంట్లోనే పర్ఫెక్ట్ గా ఎలా తయారు చేయాలో ఇక్కడ చూడండి.
పెరుగు బెండకాయ కర్రీ తయారీకి కావలసిన పదార్థాలు
తాజా బెండకాయలు - 400 గ్రాములు
ఉల్లిపాయ - 1
గడ్డ పెరుగు - 2 నుండి 3 టేబుల్ స్పూన్లు
అల్లం-వెల్లుల్లి పేస్ట్ - 1 టీస్పూన్
పచ్చిమిర్చి - 2
జీలకర్ర - 1 టీస్పూన్
జీలకర్ర పొడి - 1 టీస్పూన్
ధనియాల పొడి - 1 టీస్పూన్
గరం మసాలా పొడి - 1 టీస్పూన్
పసుపు - అర టీస్పూన్
కారం పొడి - 1.5 టీస్పూన్
వంట నూనె - 5 టేబుల్ స్పూన్లు
ఉప్పు - రుచికి సరిపడా

పెరుగు బెండకాయ తయారీ విధానం
-ముందుగా బెండకాయలను నీటిలో శుభ్రంగా కడిగి తడి లేకుండా తుడవాలి. ఆ తర్వాత వాటిని సుమారు ఒక అంగుళం పొడవుండేలా కాస్త పెద్ద ముక్కలుగా కట్ చేసుకోవాలి.
-ఇప్పుడు స్టవ్ మీద ఒక మందపాటి పాన్ పెట్టి అందులో రెండు టేబుల్ స్పూన్ల నూనె వేడి చేశాక కట్ చేసిన బెండకాయ ముక్కలను అందులో వేయండి. మంటను మీడియంలో ఉంచి, బెండకాయలు జిగురు పోయి, లేత బంగారు గోధుమ రంగులోకి (క్రిస్పీగా) మారే వరకు వేయించి పక్కన పెట్టుకోండి.
-బెండకాయ వేగుతున్న సమయంలోనే, ఒక గిన్నెలో 3 టేబుల్ స్పూన్ల పెరుగు తీసుకోండి. పెరుగులో జీలకర్ర పొడి, ధనియాల పొడి, గరం మసాలా,కారం పొడి వేసి, ఎక్కడా ఉండలు లేకుండా కలుపుకోండి.
-ఇప్పుడు స్టవ్ మీద ఉన్న పాన్ లో మిగిలిన నూనె వేసి వేడిచేసి జీలకర్ర వేసి వేగగానే, అల్లం-వెల్లుల్లి పేస్ట్ వేసి పచ్చివాసన పోయేలా వేయించండి. వెంటనే సన్నగా తరిగిన ఉల్లిపాయ ముక్కలు, పచ్చిమిర్చి వేసి, ఉల్లిపాయలు ఎర్రగా బంగారు రంగు వచ్చేవరకు వేయించండి. తర్వాత, మంటను తక్కువలో పెట్టి ఇప్పుడు ముందుగా కలిపి పెట్టుకున్న పెరుగు-మసాలా మిశ్రమాన్ని అందులో వేసి బాగా కలపండి. నూనె పైకి తేలే వరకు సుమారు 3-4 నిమిషాలు ఉడికించండి.
-పెరుగు మసాలా బాగా ఉడికిన తర్వాత, ముందుగా వేయించి పెట్టుకున్న బెండకాయ ముక్కలను అందులో వేయండి. గ్రేవీ అంతా ముక్కలకు పట్టేలా కలిపి, చివరగా రుచికి సరిపడా ఉప్పు వేయండి. మూతపెట్టి మరో రెండు నిమిషాలు మగ్గనివ్వండి.
-అంతే ఎంతో గుమగుమలాడే, నోరూరించే రెస్టారెంట్ స్టైల్ పెరుగు బెండకాయ కర్రీ రెడీ. దీనిని వేడి వేడి చపాతీ, రోటీ, పరాటా లేదా అన్నంతో కలిపి తింటుంటే స్వర్గమే.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
