Ugadi 2023: ఉగాది వేళ.. ఈ రుచికరమైన వంటకాలను మీరూ ట్రై చేయండి...

ఉగాది పచ్చడి..

ఉగాది పచ్చడి తయారీకి కావాల్సిన పదార్థాలు

మామిడికాయ ముక్కలు-2 టేబుల్ స్పూన్లు

వేప పువ్వు - టేబుల్ స్పూన్

ఉప్పు - తగినంత

బెల్లం - 3 టేబుల్ స్పూన్లు

మిరియాల పొడి - తగినంత

నీళ్లు - ఒకటిన్నర కప్పు

చింతపండు - ఒక టేబుల్ స్పూన్

తయారీ విధానం..

మొదటగా చింతపండును నీళ్లలో బాగా నానబెట్టాలి. దాంట్లో బెల్లం వేసి కరిగేవరకూ తిప్పాలి. తర్వాత దాంట్లో మామిడికాయ ముక్కలు, వేపపువ్వు, మిరియాలపొడి, ఉప్పు వేసి కలుపుకోవాలి. కావాలంటే అరటిపండు ముక్కలు, బఠానీలు, చెరుకుముక్కలు, జీడిపప్పు, కిస్ మిస్ వంటి వాటిని కూడా కలపొచ్చు. అంతే ఆ వెంటనే అన్ని రకాల రచులూ బ్యాలెన్స్ గా ఉన్న వీటిని తీసుకోవడం వల్ల ఆరోగ్య పరంగా మన బాడీకి ఎంతో మేలు జరుగుతుంది.

బెల్లం పరమాన్నం..

ఈ రెసిపీ తయారీకి కావాల్సిన పదార్థాలు

పెసర పప్పు - పావు కప్పు

బియ్యం - అర కప్పు

పాలు - 4 కప్పులు

పొడి బెల్లం - పావు కిలో

జీడిపప్పు - 10

బాదం పప్పు - 10

కిస్ మిస్ - 10

నెయ్యి - 4 స్పూన్లు

నీరు - ఒక కప్పు

యాలకుల పొడి - 1 టీ స్పూన్

తయారీ విధానం..

ముందుగా బియ్యం, పెసర పప్పును 20 నిమిషాల పాటు నీళ్లలో నానబెట్టాలి. ఆ తర్వాత స్టౌ వెలిగించి, బెల్లం పొడి వేసి, సగం కప్పు నీళ్లు వేసి కరిగించాలి. తర్వాత అది పేస్టులా మారిన తర్వాత స్టౌ ఆపేయాలి. మరో పాత్ర తీసుకుని పాలు వేడి చేయాలి. ఆ పాలలో నానబెట్టిన బియ్యం, పెసరపప్పు వేసి బాగా కలపాలి. దీంట్లో సగం కప్పు నీరు పోసి 10 లేదా 15 నిమిషాల పాటు మీడియం మంట పెట్టి ఉడికించాలి. ఆ తర్వాత మరో చిన్న పాత్రలో నెయ్యి వేడి చేసి, కిస్ మిస్ వేసి బంగారం రంగు వచ్చే వరకు వేడి చేయాలి. తర్వాత పాలలో ఉడికించిన బియ్యం, పప్పు మిశ్రమాన్ని కలపండి. దీంతో పాటే బెల్లం పేస్టులోకి యాలకుల పొడిని వేసి బాగా కలిపి మరో 10 నిమిషాలు ఉడికించాలి. అంతే బెల్లం పరమాన్నం వడ్డించడానికి సిద్ధమవ్వాలి.

పులి హోర..

మామిడికాయ పులిహోర తయారీకి కావాల్సిన పదార్థాలు..

ఉడికించిన బియ్యం - 2 కప్పులు

మామిడికాయ తురుము - 3 టేబుల్ స్పూన్లు

కరివేపాకు - 2 రెబ్బలు

పచ్చిమిర్చి - మూడు

ఎండుమిర్చి - రెండు

ఉప్పు - తగినంత

పసుపు - కొద్దిగా

వేరుశనగ గింజలు - 3 టేబుల్ స్పూన్లు

శనగ పప్పు - 1 టేబుల్ స్పూన్

మినప్పప్పు - 1 టేబుల్ స్పూన్

ఆవాలు - టీ స్పూన్

జీలకర - టీ స్పూన్

అల్లం ముక్క - కొద్దిగా

నూనె - 3 టేబుల్ స్పూన్లు

తయారీ విధానం..

ముందుగా ఒక పాత్రను తీసుకుని అందులో నూనె, వేరుశనగ గింజలు, పప్పులు వేసి బాగా వేయించాలి. ఆ తర్వాత దీంట్లోకి ఆవాలు, జీలకర్ర, పచ్చిమిర్చి, ఎండుమిర్చి, కరివేపాకు వేసి వేయించాలి. అనంతరం మామిడికాయ తురుము, ఉప్పు, పసుపు వేసి బాగా వేగనిచ్చి ఈ మిశ్రమాన్ని అన్నంలో వేసి, ఉప్పును పక్కన బెట్టుకుని.. బాగా కలిపి, రుచికి సరిపడా ఉప్పు కలుపుకుంటే.. మీరు ఎదురుచూస్తున్న మామిడికాయ పులిహోర సిద్ధం. పులిహోర వల్ల అటు కార్పొహైడ్రెట్లతో పాటు ఇటు వేరుశనగ గింజలు, పప్పుల్లోని ప్రోటీన్లు కూడా మనకు లభిస్తాయి.