నూరూరించే చికెన్ అచార్

Published: Tuesday, May 24, 2011, 17:00 [IST]

కావలసిన పదార్థాలు:
బోన్‌లెస్ చికెన్: 1kg
మిరియాల పొడి: 1tbsp
కారం: 3tbsp
గరం మసాలా: 1tbsp
ఆవాలు: 1tbsp
ఎండు మిరపకాయలు: 4
కరివేపాకు: రెండు రెబ్బలు
వెల్లుల్లి రేకలు: 10
అల్లం ముద్ద: 1tsp
పచ్చిమిరపకాయలు: 4
మిరియాలు: 1tsp
మెంతి పొడి: 1/2tsp
వెనిగర్: 3tbsp
నూనె: సరిపడా,
ఉప్పు: రుచికి తగినంత.

తయారుచేయు విధానం
1. ముందుగా చికెన్‌ ని శుభ్రంగా కడిగి ఒక గిన్నెలోకి తీసుకోవాలి. అందులో కొద్దిగా పసుపు, మిరియాల పొడి, గరం మసాలా వేసి బాగా కలపాలి.
2. ఒక గంట తర్వాత స్టౌ మీద గిన్నె పెట్టి సరిపడా నూనె వేసి బాగా కాగాక చికెన్ ముక్కల్ని వేసి ఎర్రగా వేగించాలి.
3. ఇప్పుడు ఈ ముక్కల్ని తీసి ఒక గిన్నెలో పెట్టుకోవాలి. మిగిలిన నూనెలో ఆవాలు, మెంతులు, మిరియాలు, పచ్చిమిరపకాయ ముక్కలు, ఎండు మిరపకాయ ముక్కలు, వెల్లుల్లి రేకలు, అల్లం ముద్ద, కరివేపాకు వేసి వేగించాలి. చివర్లో ఉప్పు, కారం కూడా వేసి కలపాలి.
4. ఇందులో వేగించి పెట్టుకున్న చికెన్‌ ముక్కలు కూడా వేసి రెండు నిమిషాలు సన్నని మంటపై ఉంచి దించేయాలి. వేడి చల్లారాక వెనిగర్ వేసి కలిపి మూతపెట్టాలి. రెండు రోజుల తర్వాత తింటే కమ్మని చికెన్ అచార్ రెడీగా ఉంటుంది.