చికెన్ మోమోస్ వంటకం

పిండిలో నింపడం కోసం కావలసిన పదార్థాలు:
బోన్‌పూస్ చికెన్: 1/2kg
ఉల్లిపాయ: 1
సోయాసాస్: 1tbsp
చిల్లిసాస్: 1tbsp
అల్లం వెల్లుల్లి పేస్ట్: 1tsp
కొత్తిమీర: ఒక కట్ట
మిరియాల పొడి: 1tbsp
వెనిగర్: 1tsp
నూనె, ఉప్పు, కారం: కావలసినంత

తయారు చేయు విధానం:
1. మైదాపిండిలో ఉప్పు, కొంచెం నూనె, వేడినీళ్లు పోసి బాగా కలపి చపాతి ముద్దలాచేసుకోవాలి. దీన్ని ఒక తడిగుడ్డలో వేసి పక్కన పెట్టుకోవాలి.
2. ఇప్పుడు ఓ గిన్నెలో చికెన్ వేసి నీళ్లు పోయాలి. నీళ్ళు ఆవిరి అయ్యే వరకు ఉడికించి చిదిమి పెట్టుకోవాలి.
3. ఆ తరువాత ఒక పాన్ లో కొంచెం నూనె పోసి ఉల్లిపాయముక్కలను బ్రౌన్ రంగు వచ్చేవరకు వేయించాలి. దీంట్లో అల్లం వెల్లుల్లి పేస్ట్, పచ్చిమిర్చి ముక్కలు, మిరియాలపొడి, వెనిగర్, ఉప్పు, కారం వేసి ఐదు నిమిషాల పాటు కలపాలి.
4. ఇప్పుడు చికెన్ వేసి మరో ఐదు నిమిషాల పాటు కలుపుతూ, అందులోనే సోయాసాస్ ను కూడా వేసి బాగా కలుపి పక్కన పెట్టుకోవాలి.
5. ఇప్పుడు ముందుగా కలుపిపెట్టుకున్న పిండిని చిన్న చిన్న పూరీలు చేసుకోవాలి. దాంట్లో చికెన్ మిశ్రమాన్ని కొద్దిగా పెట్టి, గుండ్రని ఆకారం వచ్చేలా తయారు చేసి పక్కన పెట్టుకోవాలి.
6. ఇలా కావల్సినన్ని తయారు చేసి పెట్టుకొని, ఆ తరువాత వీటిని 20 నిమిషాలు మోమో స్టీమర్‌ లో పెట్టి ఉడికించాలి, అంతే నోరూరించే చికెన్ మోమోస్ రెడీ.. దీనిని టమాటో గార్లిక్ సాస్ లేదా చిల్లిసాస్ తో కలిపి తింటే చాలా రుచిగా ఉంటాయి.