Chicken Tikka: నోరూరించే చికెన్ టిక్కా

Chicken Tikka: చికెన్ తో ఏ వెరైటీ చేసిన చాలా మంది లొట్టలేసుకు తినేస్తారు. ప్రపంచవ్యాప్తంగా అతి ఎక్కువగా తినేది చికెన్ కావడం విశేషం. చాలా మంది వారానికి ఒక్కసారి అయినా చికెన్ వండుకుని తింటారు.

చికెన్ లో ఉన్నన్ని వెరైటీలు మరెందులోనూ ఉండవు అంటే అతిశయోక్తి కాదు. ఇప్పుడు చికెన్ తో టిక్కా ఎలా తయారు చేయాలో చూద్దాం.

చికెన్ టిక్కాకు కావాల్సిన పదార్థాలు:
* ఎముకలు లేని చికెన్ - 250 గ్రాములు
* క్యాప్సికం - 2
* ఉల్లిపాయలు - 2
* టొమాటో - 2
* ధనియాల పొడి - 1 టేబుల్ స్పూన్
* అల్లం వెల్లుల్లి పేస్టు - 1 టేబుల్ స్పూన్
* కారం - 1 టేబుల్ స్పూన్
* పసుపు - 1 టేబుల్ స్పూన్
* జీలకర్ర పొడి - 1 టేబుల్ స్పూన్
* గరం మసాలా - 1/2 టేబుల్ స్పూన్
* పెరుగు - 1 కప్పు
* నిమ్మసరం - 2 టేబుల్ స్పూన్లు
* కొత్తిమీర - గుప్పెడు
* ఉప్పు - తగినంత

చికెన్ టిక్కా తయారీ:
1. ముందు ఎముకలు లేని చికెన్ ను శుభ్రంగా కడుక్కోవాలి.

2. గిన్నెలో పెరుగుర, కారం, ధనియాల పొడి, పసుపు, గరం మసాలా పొడి, జీలకర్ర పొడి, నిమ్మరసం, వెల్లుల్లి పేస్టు వేసుకుని బాగా కలుపుకోవాలి.

3. ఈ మిశ్రమంలో టమాటోలు, ఉల్లిపాయలు వేసుకోవాలి.

4. వెదురు కర్రలను నీళ్లల్లో 30 నిమిషాల పాటు నానబెట్టాలి.

5. చికెన్ మిశ్రమం, క్యాప్సికం, ఉల్లిపాయలను వెదురు కర్రల్లో వేసుకోవాలి.

6. వెదురు కర్రలను పొయ్యి పై ఉంచాలి. అన్ని వైపులా సరిగ్గా కాలేలా వెదురు కర్రలను తిప్పుతూ ఉండాలి.

7. లోపల చికెన్ ఉడికిందని నిర్ధారించుకున్న తర్వాత వాటిని ఓ ప్లేటులో తీసుకోవాలి.

8. పొడవాటి కర్ర పుల్లలకు చికెన్ ముక్కలను గుచ్చుకోవాలి.