రాయలసీమ నాటుకోడి పులుసు..!!

Published: Thursday, August 11, 2011, 11:56 [IST]

మాంసాహార ప్రియుల్లో.. ముఖ్యంగా తెలుగు వారికి నాటుకోడి కూర పేరు చెప్పగానే నోరూరుతుంది. గ్రామీణ ప్రాంతాల్లో అధికంగా దొరికే ఈ నాటు కోళ్లను అత్యధిక ధర చెల్లించి మరీ కోనుగోలు చేస్తారు. ఈ మాంసపు ఎముకులను సైతం లొట్టలేసుకుంటూ నవిలేస్తుంటారు. దసరా, సంక్రాంతి వంటి పండుగ సమాయాల్లో 'నాటుకోడి పులుసుకున్న' క్రేజే వేరు. ఆఫర్లు పెట్టమరీ రెస్టారెంట్లలో విక్రయిస్తుంటారు. ఇంతగా నోరూరించే ఈ మాంసాహార వంటకం 'రాయలసీమ' ప్రాంతంలో అదరగొడుతుందట అందుకేనేమో.. ఈ డిష్ పేరు 'రాయలసీమ నాటుకోడి పులస'ని పెట్టారు. ఈ కూర తయారీ విధానం తెలసుకుందామా..

కావల్సిన పదార్థాలు:
తాజా నాటు కోడి ముక్కలు - అరకేజి.
నూనె - ఒక కప్పు.
కారం - ఐదు టీ స్పూన్లు.
ధనియాల పొడి - ఐదు టీ స్పూన్లు.
పసుపు - అర టీ స్పూన్.
గరం మసాలా - ఒక టీ స్పూన్.
కొబ్బరి ముద్ద - ఐదు టీ స్పూన్లు
అల్లం వెల్లులి మిశ్రం - మూటు టీ స్పూన్లు
ఉప్పు - తగినంత.

తయారీ విధానం :
- తాజా మాంసపు ముక్కలను శుభ్రంగా కడిగి చిన్న చిన్న కోసుకోవాలి.
- పాన్ లో నూనె పోసి ఆ నూనె వేడెక్కిన తరువాత చికెన్ ముక్కలు వేసి, కాస్తంత పసుపు చల్లి పది నిమిషాలు ఉడికించాలి.
- తరువాత ఉప్పు, కారం, ధనియాల పొడి, కొబ్బరి ముద్ద, అల్లం వెల్లులి మిశ్రమం ఆ ఉడికిన మాంసంలో వేసి తగినన్ని నీళ్లు పోసి మాంసు ముక్కలు ఉడికేంతవరకు ఉంచాలి.
- ముక్కలు బాగా ఉడికిన తరవాత గరంమసాలా వేసి మరో ఐదునిమిషాల పాటు ఉడికించాలి.
చివర్లో కొత్తిమీర అలంకరించి.. వేడి వేడిగా తినటమే తరువాయి.. మరీ సీమవాసుల నాటు కోడి పులసంటే పక్కన జొన్న రొట్టే ఉండాల్సిందే.