రసం రెసిపీ : టమోటా రసం ఎలా తయారుచేయాలి

రసం అనేది చాలా కుటుంబాలలో రోజువారీగా తయారుచేసే సాంప్రదాయ దక్షిణ భారతీయ ఆహారంగా చెప్పవచ్చు. రసం ఒక స్పైసి మరియు పుల్లని సూప్. వేడి అన్నంలో కలుపుకొని తింటారు.

టమోటా రసం అనేది టమోటా మరియు భారతీయ మసాలా దినుసులతో కలిపి సుగంధ సూప్ గా తయారుచేస్తారు. దీనిని అందరు తినవచ్చు. సాధారణంగా అనారోగ్యంతో ఉన్న పిల్లలు మరియు పెద్దవారికి రసంతో భోజనం పెడతారు.

ఈ రెసిపీలో పప్పుధాన్యాలు ఏమి ఉండవు. ఏది ఏమైనా రసం చిక్కదనం కోసం ఉడికించిన కందిపప్పును కలపవచ్చు. నిమ్మరసం, మిరియాలు రసం,ఉలవలు రసం వంటి అనేక రకాల రసాలను తయారుచేయవచ్చు. టమోటో రసం అనేది సాధారణంగా తయారుచేస్తారు.

రసం చాలా సులభంగా తయారుచేసే ఆరోగ్యకరమైన మరియు రుచికరమైన దక్షిణ భారతీయ వంటకం. ఇక్కడ టమోటా రసం ఎలా తయారు చేయాలో వీడియో రెసిపీ ఉంది. అలాగే, రసమును ఎలా తయారుచేయాలో వివరణాత్మక స్టెప్ బై స్టెప్ విధానంలో చూసి అనుసరించండి.

రసం వీడియో రెసిపీ

స్టెప్ బై స్టెప్ - రసం ఎలా తయారుచేయాలి

1. టమోటాలు తీసుకోని టమోటా పై భాగంలో కట్ చేయాలి.

2. టమోటాకు మూడు నిలువు గాట్లు పెట్టాలి.

3. టమోటాలను హెవీ హీటెడ్ పాన్ లో వేయాలి.

4. దానిలో నీరు పోసి 15 నిమిషాల పాటు మృదువుగా మారే వరకు ఉడికించాలి.

5. టమోటాలను బౌల్ లోకి తీసుకోవాలి. పాన్ లో నీటిని తరవాత ఉపయోగించాలి.

6. టమోటాలను 5 నిమిషాల పాటు చల్లారనివ్వాలి.

7. టమోటాల తొక్క తీసేసి కొంచెం మాష్ చేసి పక్కన పెట్టాలి.

8. సనికిలిలో వెల్లుల్లి వేయాలి.

9. దానిలో ఒక స్పూన్ మిరియాలు మరియు ఒక స్పూన్ జీలకర్ర వేయాలి.

10. రోకలితో కచ్చా పచ్ఛాగా నూరాలి.

11. పాన్ లో నీటిని రెండు నిమిషాల పాటు వేడి చేయాలి.

12. దానిలో టమోటా గుజ్జు మరియు నూరిన వెల్లుల్లి పేస్ట్ వేయాలి.

13. ఉప్పు మరియు చింతపండు వేసి 8 నుంచి 10 నిమిషాల పాటు ఉడికించాలి.

14. రసం పొడి కలపాలి.

15. రసంను బౌల్ లోకి తీసుకోవాలి.

16. తాలింపు పాన్ పొయ్యి మీద పెట్టి ఒక స్పూన్ నూనె వేయాలి.

17. దానిలో ఆవాలు మరియు ఒక స్పూన్ జీలకర్ర వేయాలి.

18. ఆ తర్వాత ఇంగువ,కరివేపాకు వేయాలి.

19. బాగా వేగనివ్వాలి.

20. వేగిన తాలింపును రసంలో పోయాలి.

21. తరిగిన కొత్తిమీర కలపాలి.

22. నెయ్యి కలపాలి.

23. ఒక బౌల్ లోకి రసంను తీసుకోని అన్నంలోకి సర్వ్ చేయాలి.