బెస్ట్ ఆహారం అంటే బ్రెడ్ హల్వా!

By B N Sharma

Published: Saturday, October 15, 2011, 10:53 [IST]

దీపావళి పండుగకు సాధారణంగా అందరూ తీపి వంటకాలు అధికంగా చేస్తూంటారు. ప్రతి వంటకం ఎంతో సమయం తీసుకుంటూ పని వత్తిడి కలిగిస్తూంటుంది. ఇక ఆ సమయంలో చివరకు అతి త్వరగా అయిపోయే ఐటమ్ లు చేయాలనిపిస్తుంది. అటువంటపుడు తేలికగా పదినిమిషాలలో చేసేయ దగిన తీపి వంటకం, అందరికి నచ్చే వంటకం బ్రెడ్ హల్వా...దీనిని ఎలా తయారు చేయాలో చూడండి

బ్రెడ్ హల్వాకు కావలసినవి ఏంటి?
బ్రెడ్ ముక్కలు: మూడు కప్పులు
బటర్: 4 టేబుల్ స్పూన్లు
యాలకుల పొడి: కొద్దిగా
బాదం పప్పు: అరకప్పు
జీడి పప్పు: అరకప్పు
చక్కెర : తగిన మేరకు

బ్రెడ్ హల్వా తయారు చేసే విధానం ఇక చూడండి....
ముందుగా షుగర్, యాలకుల పొడి కలిపిన మిశ్రమం తగినంత శుభ్రమైన నీటితో కలిపి రెడీగా వుంచుకోవాలి. తర్వాత నాన్‌స్టిక్ పెనం మీద కొద్దిపాటి నెయ్యి వేసి బ్రెడ్ ముక్కలను బాగా వేయించుకోవాలి. బాగా వేగిన బ్రెడ్ ముక్కలను అప్పటికే తయారు చేసి సిద్ధంగా ఉంచుకున్న షుగర్, యాలకుల మిశ్రమంలో వేసి కాసేపు నాన బెట్టాలి.

ఇప్పుడు ఈ మిశ్రమం పేస్టులాగా తయారవుతుంది. ఈ మిశ్రమాన్ని మరొక గిన్నెలోకి తీసుకొని స్టవ్ మీద 5 నిమిషాల వరకుమెత్తబడేటంతవరకు బాగా ఉడకనివ్వాలి. బాగా చిక్కబడ్డాక వెడల్పాటి పాత్రలో పోసి బాదం, జీడి పప్పులతో అలంకరించి వేడి వేడిగా అందరికి తినిపిస్తూంటే వచ్చిన అతిధులు ఇక మరో ఐటమ్ వైపు చూసే ప్రసక్తే లేదు.