కలర్ ఫుల్ రైస్ పుడ్డింగ్

Published: Monday, May 23, 2011, 16:27 [IST]

కావలసిన పదార్థాలు:
ముడిబియ్యం (బ్రౌన్ రైస్) : 1cup
పాలు : 1/2ltr
నీరు : 1/2ltr
చక్కెర : 1cup
ఏలకుల పొడి : 1/2tsp
జీడిపప్పు, కిస్‌మిస్ : కొద్దిగా,
క్యారట్ : 3(తురమాలి)
తయారు చేయు విధానము:

1. బియ్యాన్ని కడిగి కొద్దిగా నీటిని పోసి నానబెట్టాలి.
2. క్యారట్ తురుమును మిక్సీలో వేసి గ్రైండ్ చేయాలి. అందులో పాలను పోసి ఒకసారి తిప్పి ఆ మిశ్రమాన్ని పలుచని క్లాత్‌ తో వడగట్టాలి.
3. ఆ క్యారట్ పాలను పక్కన పెట్టి, పైన మిగిలిన క్యారట్ గుజ్జులో నీటిని పోసి ఒకసారి తిప్పి దానిని వడపోస్తే క్యారట్ రసం వస్తుంది.
3. ఇప్పుడు నానబెట్టిన బియ్యాన్ని ఈ రసంలో వేసి ఉడికించాలి. బియ్యం ఉడికి దగ్గరవుతున్నప్పుడు క్యారట్ పాలను పోసి కలిపి సన్నమంట మీద ఉడికించాలి.
4. తర్వాత ఈ మిశ్రమం దగ్గరయ్యాక స్టౌ ఆపేసి అందులో చక్కెర వేసి బాగా కలపాలి. ఆ వేడికి చక్కెర కరిగి పుడ్డింగ్ మొత్తానికి సమంగా పడుతుంది. చివరగా కాజు, కిస్‌ మిస్‌ తో అలంకరించాలి. అంతే కలర్ ఫుల్ రైస్ పుడ్డింగ్ రెడీ.