రంగే కాదు రుచి అమోఘం...టమోటో-క్యారెట్ జ్యూస్

Published: Saturday, March 3, 2012, 12:48 [IST]

టమాటోలను ‘లవ్ ఆపిల్’ అంటారు. టమాటోల రంగు, కలిగించే అనుభూతిని బట్టి శంగారపరమైన ఖ్యాతి గడించిండి. టమోటోలోని బీటాకెరోటిన్ పదార్థం మనిషి శరీరంలో విటమిన్ ‘ఎ’గా మారిపోతుంది. ‘సి’ విటమిన్ పుష్కలంగా కల ఈ టమోటాలు విరివిగా తీసుకునే వారిలో వ్యాధి నిరోధక శక్తి పెరుగుతుంది. టమోటాలను తరుచూ తీసుకోవడం వల్ల ఎసిడిటి, మధుమేహ, కంటి జబ్బులకు, బరువును నియంత్రించుటకు..శరీర ఉష్ణోగ్రతను క్రమబద్దీకరించుకుటకు ఎంతోగానో ఉపయోగపడుతుంది. కాబట్టి వేసవి తాపానికి టమోటో తో ఓ వెరైటీ మీకోసం...

కావలసిన పదార్ధాలు:
హైబ్రీడ్ టమోటో: 200 grm
క్యారెట్ ముక్కలు: 1 cup
పంచదార: 1 cup
నిమ్మరసం: 2 tsp
యాలకల పొడి: 1/2 tsp
మిరియాల పొడి: 1/2 tsp
ఐస్ క్యూబ్స్: 4
నీళ్లు: 1/2 ltr

తయారు చేయు విధానము:
1. మొదటగా టమోటో, క్యారెట్ ముక్కలు కట్ చేసి పక్కన పెట్టుకోవాలి
2. తర్వాత మిక్సీ జార్ లో టమోటో, క్యారెట్ ముక్కలను వేసి అందులోనే పంచదార, యాలకుల పొడి, మిరియాల పొడి బాగా బ్లెండ్ చేయాలి.
3. ఇప్పుడు ఈ మిశ్రమాన్ని ఒక బౌల్ లోనికి తీసుకొని ఫ్రిజ్ లో అరగంట పాటు పెట్టాలి.
4. అరగంట తర్వాత బయటకు తీసి నిమ్మరసం, నీళ్లు, ఐస్ క్యూబ్స్ వేసి సర్వ్ చేయాలి అంతే టమోటో జ్యూస్ రెడీ.