హైదరాబాదీ సమోసా వంటకం

Published: Tuesday, February 14, 2012, 11:27 [IST]

కావలసిన పదార్థాలు:
గోధుమపిండి: 2cups
ఉప్పు: చిటికెడు
ఉల్లిపాయ తరుగు: 1cup
ఉల్లికాడల తరుగు: 1cup
పచ్చిమిర్చి: 6-8
క్యాబేజీ తురుము: 1/4cup
క్యారెట్ తురుము:1/4cup
పసుపు : చిటికెడు
ఉప్పు: రుచికి తగినంత
కొత్తిమీర: కొద్దిగా
నూనె: కావలసినంత

తయారు చేయు విధానం:
1. గోధుమపిండిలో ఉప్పు వేసి, నీటితో చపాతీ పిండిలా కలుపుకోవాలి.
2. స్టౌ మీద పాన్ పెట్టి నూనె వేసి, వేడయ్యాక ఉల్లితరుగు, ఉల్లికాడల తరుగు, పచ్చిమిర్చి వేసి మెత్తబడేవరకూ వేయించాలి. తర్వాత తరిగిన క్యాబేజీ, క్యారట్, తగినంత ఉప్పు పసుపు వేసి బాగా కలియబెట్టి మూత పెట్టాలి.
3. ఐదు నిమిషాల తర్వాత తడిలేకుండా వేయించుకొని అందులో కొత్తిమీర తరుగు చల్లుకొని దింపేసుకోవాలి.
4. ఇప్పుడు ముందుగా కలిపి పెట్టుకొన్న పిండి కాస్త మెత్తబడి ఉంటుంది. దీన్నీ కొద్దికొద్దిగా తీసుకొని చిన్న చిన్న ఉండలుగా చేసుకొని పలుచగా చపాతీల సైజులో వత్తుకోవాలి.
5. పెనం వేడిచేసి వేడి చేసి ఈ చపాతీని రెండు వైపులా కొద్దిగా వెచ్చబెట్టి తీసి పక్కన పెట్టుకోవాలి. చల్లారిన తర్వాత చపాతీలను రెండు అంగుళాల వెడల్పులో నిలువుగా రిబ్బనులా కట్ చేసుకోవాలి. ఒక కొనవైపు కొద్దిగా ఉల్లిపాయ మిశ్రమాన్ని పెట్టి త్రికోణంలా మడుస్తూ పోవాలి.
6. మొత్తం సమోసాని త్రికోణంలా మడిచాక అంచులు తడిచేసి విడిపోకుండా ఒత్తి మూసేయాలి. ఇలా అన్నీ సమోసలు రెడీ చేసుకొన్నాక స్టౌ పై పాన్ పెట్టి అందులో నూనె వేసి వేడయ్యాక సమోసలను అందులో వేసి కరకరలాడేలా వేయించి పక్కకు తీసుకొని సాస్ తో సర్వ్ చేయాలి. అంతే హైదరాబాదీ సమోసా రెడీ.