తీపి కొబ్బరి బొబ్బట్లు

తయారు చేయు విధానం:
1. ముందుగా మైదాను నూనె, నీళ్ళు కలిపి రెండు గంటల పాటు నానబెట్టాలి.
2. తరువాత పచ్చికొబ్బరి తురుము, బెల్లం లేదా పంచదార కొంచం నీళ్ళు పోసి పొయ్యి మీద పెట్టాలి. గట్టి పాకం వచ్చే వరకు కలుపుతూ ఉండాలి. పాకం గట్టి పడిన తరువాత యాలకుల పొడి కలిపి దించి పక్కన పెట్టుకోవాలి.
3 చల్లరి తర్వాత మెత్తగా రుబ్బుకోవాలి. ఇప్పుడు పాకం ముద్దని చిన్న ఉండలుగా చేసి మైదాను కొద్ది కొద్దిగా తీసుకుంటూ అందులో ఉండాలని పెట్టి ఆకు పైన నెయ్యి రాసి బొబ్బట్లులగా వత్తి అన్నింటిని పక్కన పెట్టుకోవాలి.
4. ఇప్పుడు స్టౌ వెలిగించి పెనం పైన వేసి రెండు వైపులా నెయ్యి రాసి బాగా కాల్చుకోవాలి. ఎంతో రుచిగా ఉండే వేడి వేడి కొబ్బరి బొబ్బట్లు రెడీ.

గమనిక: తడి తగలకుండా ఉంటే రెండు, మూడు రోజుల వరకు నిల్వ ఉంటాయి.