పెసర లడ్డు-వరమహాలక్ష్మి పండుగ స్పెషల్

తయారు చేయు విధానం:
1. ముందుగా నెయ్యిని వేడి చేసి పక్కన పెట్టుకోవాలి.
2. తర్వాత ఫ్రైయింగ్ పాన్ వేడి చేసి అందులో పెసరపప్పును వేసి లైట్ బ్రౌన్ కలర్ వచ్చే వరకూ వేయించి పెట్టుకోవాలి.
3. తర్వాత క్రిందికి దింపుకొని పెసరపప్పు చల్లారిన తర్వాత మిక్సీలో వేసి మెత్తని పౌడర్ లా గ్రైడ్ చేసుకోవాలి.
4. ఇప్పుడు పంచదారను కూడా మిక్సీలో వేసి మెత్తని పౌడర్ చేసుకోవాలి.
5. తర్వాత గోధుమ రవ్వను దోరగా వేయించుకొని దీన్ని కూడా పొడిచేసుకోవాలి. అలాగే జీడిపప్పును కూడా మెత్తని పౌడర్ లా చేసుకోవాలి.
6. ఇప్పుడు మిక్సింగ్ బౌల్ తీసుకొని అందులో పెసరపప్పు, జీడిపప్పు, గోధుమ రవ్వ, పంచదార పొడులను వేసుకొని బాగా మిక్స్ చేసుకోవాలి. ఈ పదార్థాలన్నీ బాగా మిక్స్ అయిన తర్వాత దాని మీద నెయ్యి వేసి బాగా కలుపుకోవాలి.
7. తర్వాత నెయ్యి వేసిన వెంటనే ఆ తడి మీదనే కొద్దికొద్దిగా తీసుకొంటూ లడ్డూల్లా ఉండలు చేసుకోవాలి. అంతే పెసరపప్పు లడ్డు రెడీ. మూత గట్టిగా ఉన్న బాక్స్ లో స్టోర్ చేసి పెట్టుకొంటే ఒక పది రోజుల పాటు ఉంటాయి.