వేసవితాపాన్ని తీర్చే బాదం మిల్క్

Published: Monday, April 16, 2012, 12:28 [IST]

ఈ వేసవికి ప్రకృతి అందించిన కొబ్బరి నీరు, నిమ్మరసం, మజ్జిగ, బాదం మిల్క్‌ వంటి పోషక విలువలు కలిగివున్న పానీయాలు సేవించడం ద్వారా సంపూర్ణ ఆరోగ్యవంతులుగా కల కాలం జీవించగలరు...కాబట్టి అందుబాటులో ఉన్నటువంటి పానీయాలను సేవించడం అలవాటు చేసుకోవడం మంచిది.

కావలసిన పదార్థాలు:
పాలు: 1/2ltr
పంచదార: 150grms
బాదం మాస్: తగినంత
యాలకుల పొడి: 1tsp
జీడిపప్పు, బాదంపప్పు: 1/2cup

తయారీ విధానం:
1. బాదం మిల్క్ తయారు చేసేందుకు పాలలో వెన్న పూర్తిగా తీయకుండా 6 శాతం ఫ్యాట్ ఉన్న పాలను తీసుకోవాలి. వాటిలో యాలకుల పొడి వేసి మరిగించాలి.
2. పాలు వేడి తగ్గాక పంచదార వేసి కరిగేంతదాకా కలిపి, చల్లార్చాలి. ఒక గ్లాసు పాలలో బాదం మాస్ (ఇది తాజ్ మాస్ పేరుతో మార్కెట్లో దొరుకుతుంది. చూసేందుకు క్రీం కలర్‌లో పౌడర్‌లాగా ఉంటుంది)ని వేసి, కలిపి ఆ మిశ్రమం మొత్తాన్ని పాలల్లో వేసి కలియబెట్టాలి.
3. కలర్ సరిపోనట్లయితే ఆ పాలనే ఒక గ్లాసు తీసుకుని మరికొంత బాదం మాస్‌వేసి కలియబెట్టి మొత్తం పాలల్లో కలిపితే సరిపోతుంది.
4. చివరగా ఈ మిశ్రమంలో సన్నగా తరిగిన బాదం, జీడిపప్పు వేసి ఫ్రిజ్‌లో ఉంచి చల్లబడ్డాక సర్వ్ చేయాలి. అంతే బాదం మిల్క్ సిద్ధమైనట్లే, కొలెస్ట్రాల్ ఏ మాత్రం లేని బాదంపప్పును రోజుకి రెండు పిడికిళ్ల చొప్పున తింటే ఎలాంటి గుండె సంబంధ వ్యాధులు దరిచేరకుండా ఉంటాయి.