దానిమ్మ తొక్కేకదా అని అనుకుంటే పొరపాటే....!

Published: Thursday, April 19, 2012, 17:26 [IST]

ఈ కాలంలో బాగా దొరికే పండ్లలో దానిమ్మ ఒకటి. ఆరోగ్యానికే కాదు అందానికీ మేలు చేసే పోషకాలు దీనిలో మెండుగా ఉన్నాయి. దానిమ్మలో ఫోలిక్ యాసిడ్, విటమిన్ బికి చెందిన రైబోఫ్లెవిన్, థైమిన్, సోయాసిన్, యాంటీ ఆక్సిడెంట్లు లభించే విటమిన్ ఇ..క్యాల్షియం, ఫాస్పరస్ సమృద్దిగా లభిస్తాయి. గ్రీన్ టీలో లభించే పోషకాల కంటే మూడు రెట్లు అధికంగా ఉంటాయి. దానిమ్మతో గుండెకు భద్రత, శరీరంలోని వ్యర్థాను నుంచి విముక్తి, మతిమరుపు దూరం. క్యాన్సర్ కి చెక్. మేనికి మేలు. అంతే కాదు శరీరానికి ఇనుము చాలా అవసరం...అది రక్త ప్రసరణ సక్రమంగా జరగడానికి తోడ్పడుతుంది. రక్తహీనత ఉన్నవారు ఈ ఫలాన్ని ఎంత ఎక్కువ తీసుకుంటే అంత మంచిది. దీనిలో ఉండే యాంటీవైరల్ గుణాలు అనారోగ్యాల బారిన పడకుండా కాపాడుతాయి. దానిమ్మగింజల్లోనే కాదు దానిమ్మ తొక్కులోను ఎన్నో సుగుణాలున్నాయి. ఇన్ని సుగుణాలున్న దానిమ్మ రసంలో ఎలా తయారు చేయాలో చూద్దం....

కావలసిన పదార్థాలు
దానిమ్మ తొక్క: 1
పచ్చికొబ్బరి తురుము: 2tbsp
నెయ్యి: 1tsp
తేనె: 1tsp

తయారు చేయు విధానం:
1. ముందుగా దానిమ్మ తొక్కను ఎండలో బాగా ఎండ బెట్టి, పాన్ లో కొద్దిగా నెయ్యి వేసి ఎండబెట్టిన దానిమ్మ ముక్కలను అందులో వేసి లైట్ గా వేయించి, చల్లార్చి తర్వాత పొడిచేసి పెట్టుకోవాలి.
2. తర్వాత కొబ్బరి తురుమును మిక్సీలో వేసి పేస్ట్ చేయాలి. అందులోనే చిటికెడు ఉప్పు, వేసి బాగా గ్రైండ్ చేయాలి.
3. ఇప్పుడు ఈ మిశ్రమాన్ని గ్లాసులోనికి తీసుకొని బాగా గిలకొట్టి తాగాలి. ఇలా చేయడం వల్ల వంట్లోని వేడి తగ్గించి శరీరాన్ని కూల్ గా ఉంచుతుంది.