Latest Updates
-
చలికాలం స్పెషల్ బ్రేక్ ఫాస్ట్..ప్రోటీన్, ఐరన్ పుష్కలంగా ఉండే పెసరపప్పు పాలకూర దోసె చేసుకోండిలా.. -
చలికాలంలో హార్ట్ ఎటాక్ ముప్పు? తప్పక తెలుసుకోవాల్సిన నిజాలు! -
కేరళ స్పెషల్ మలబార్ చికెన్ బిర్యానీ.. బ్యాచిలర్లు కూడా చిటికెలో చేసేయొచ్చు! -
చలికాలంలో రోగనిరోధక శక్తిని పెంచి, చర్మానికి మెరుపునిచ్చే తులసి తమలపాకు రసం..ఎలా చేసుకోవాలంటే.. -
మెగ్నీషియం లోపం వేధిస్తోందా? కండరాల నొప్పులు, అలసట తగ్గించే 5 ఫుడ్స్ ఇవే! -
కార్తీకమాసం స్పెషల్.. ఘుమఘుమలాడే అసలైన బ్రాహ్మిణ్ స్టైల్ సాంబార్ మీ ఇంట్లోనే చేసుకోండిలా.. -
చలికాలంలో ఆరోగ్యానికి మేలు చేసే..విటమిన్ C, ప్రోటీన్లు మెండుగా ఉండే ఉసిరి కరివేపాకు పొడి ఎలా చేసుకోవాలంటే.. -
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్
శనగపిండి, కీర దోసకాయ ఉంటే చాలు..10 నిమిషాల్లో క్రిస్పీ దోశ..ఎలా చేసుకోవాలంటే..
ఉరుకులు పరుగుల జీవితంలో సమయం తక్కువగా ఉన్నప్పుడు, ఆరోగ్యంతో పాటు రుచిని కూడా అందించే బ్రేక్ ఫాస్ట్ కావాలని అందరూ కోరుకుంటారు. ఎప్పుడూ తినే ఇడ్లీ, దోశ లేదా ఉప్మా తిని విసుగొచ్చినప్పుడు, చాలామంది శనగపిండి లేదా బొంబాయి రవ్వతో దోశ చేసుకుంటూ ఉంటారు. అయితే ఈ రెగ్యులర్ దోశకు కొద్దిగా వెరైటీ జోడించి, మరింత పోషక విలువలున్న కీర దోసకాయ దోశను మీరు ఎప్పుడైనా రుచి చూశారా?
సాధారణంగా కీర దోసకాయ అనగానే మనకు సలాడ్స్ లేదా పచ్చడి మాత్రమే గుర్తుకొస్తాయి. కానీ దాంతో కమ్మని దోశ కూడా తయారు చేయవచ్చు. దోసకాయలో నీటి శాతం అధికంగా ఉండి, క్యాలరీలు చాలా తక్కువగా ఉంటాయి. బరువు తగ్గాలనుకునే వారికి, కడుపు తేలికగా ఉండాలనుకునే వారికి ఇది బెస్ట్ ఆప్షన్. పైగా ఇది శరీరానికి చలవ చేస్తుంది. కేవలం పది నిమిషాల్లో వేడివేడిగా సిద్ధమయ్యే ఈ కీర దోసకాయ దోశ పిల్లల లంచ్ బాక్స్ కు కూడా పర్ఫెక్ట్గా సెట్ అవుతుంది.

కీర దోశ తయారీకి కావాల్సిన పదార్థాలు
కీర దోసకాయ: 1 పెద్దది
శనగపిండి: 1 కప్పు
బొంబాయి రవ్వ: 2 టేబుల్ స్పూన్లు
పచ్చిమిర్చి: 1
కొత్తిమీర: 2 టేబుల్ స్పూన్లు
జీలకర్ర: అర టీస్పూన్
పసుపు: పావు టీస్పూన్
కారం: అర టీస్పూన్
ఉప్పు: మీ రుచికి తగినంత
నీళ్లు: పిండి కలుపుకోవడానికి తగినంత
నూనె: దోశ కాల్చుకోవడానికి
కీర దోశ తయారీ విధానం
-ముందుగా ఒక పెద్ద గిన్నె తీసుకోండి. అందులో సన్నగా తురుముకున్న కీర దోసకాయను వేయండి. ఇప్పుడు ఆ దోసకాయ తురుముకు ఒక కప్పు శనగపిండి, కరకరలాడే రుచి కోసం కొద్దిగా బొంబాయి రవ్వను కలపండి. ఆ తర్వాత సన్నగా తరిగిన పచ్చిమిర్చి ముక్కలు, కొత్తిమీర తురుము, జీలకర్ర, కొద్దిగా పసుపు, కారం మీ రుచికి తగినట్లుగా ఉప్పు వేసి అన్నీ బాగా కలిసేలా గరిటెతో కలుపుకోండి.
-దోసకాయలో ఇప్పటికే నీరు ఉంటుంది కాబట్టి చూసుకుంటూ కొద్దికొద్దిగా నీళ్లు పోస్తూ దోశ పిండి లాగా కలుపుకోవాలి. పిండి మరీ పల్చగా నీళ్లలా కాకుండా, అలాగని మరీ గట్టిగా కాకుండా చూసుకోండి.
-ఇప్పుడు స్టవ్ వెలిగించి నాన్ స్టిక్ పాన్ లేదా ఇనుప పెనం పెట్టి వేడి చేయండి. పెనం వేడెక్కాక కొద్దిగా నూనె లేదా నెయ్యి రాయండి. ఇప్పుడు గరిటెతో పిండిని తీసుకుని పెనం మీద గుండ్రంగా, కాస్త మందంగా పరుచుకోండి.
-మంటను సిమ్ లో లేదా మీడియంలో ఉంచి, అంచుల చుట్టూ కొద్దిగా నూనె వేయండి. అద్భుతమైన సువాసన వస్తుండగా.. రెండు వైపులా తిప్పుతూ, మంచి గోల్డెన్ బ్రౌన్ కలర్ లోకి మారి, కరకరలాడేలా ఉడికే వరకు కాల్చుకోండి.
-అంతే ఎంతో కమ్మని, ఆరోగ్యకరమైన వేడి వేడి కీర దోశ రెడీ. దీన్ని చల్లని పెరుగుతో కానీ, పుదీనా లేదా పల్లీల చట్నీతో కానీ నంజుకుని తింటుంటే ఆ రుచే వేరు.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
