క్యారెట్-కొబ్బరి తురుము ఫ్రై- రోటీ స్పెషల్ సైడ్ డిష్

కావలసిన పదార్థాలు:
క్యారెట్: 3-4
కొబ్బరి తురుము: 1/2cup
జీలకర్రపొడి: 1/2tsp
కారం: 1tsp
ఉప్పు: రుచికి సరిపడా

పోపుకోసం
వేరుశెనగపప్పు: 1tbsp
ఉద్దిపప్పు: 1/4tsp
జీలకర్ర: 1/4tsp
ఆవాలు: 1/4tsp
కరివేపాకు: రెండు రెమ్మలు
ఎండు మిర్చి: 4-6
నూనె: తగినంత

తయారు చేయు విధానం:
1. ముందుగా క్యారెట్స్ కు పై పొట్టును సన్నగా తీసేసి నీటిలో వేసి శుభ్రం చేసుకోవాలి. తర్వాత కొద్దిసేపు పక్కన పెట్టి నీరంత పోయిన తర్వాత క్యారెట్స్ ను తురుముకోవాలి.
2. తర్వాత స్టౌ మీద పాన్ పెట్టి అందులో నూనె వేసి వేడయ్యాక అందులో వేరుశెనపప్పు వేసి దోరగా వేయించుకోవాలి. తర్వాత మిగిలిన పోపు దినుసులను కూడా వేసి వేయించుకోవాలి.
3. పోపు వేగే సమయంలో ఉద్దిపప్పు బ్రౌన్ కలర్ కు మారే సమయంలో క్యారెట్ తురుమును వేసి బాగా మిక్స్ చేసి మూత పెట్టి మీడియం మంట మీద ఐదు నిమిషాల పాటు ఉడికించుకోవాలి.
4. క్యారెట్ కొంచెం మెత్తబడే సమయంలో జీలకర్ర పొడి, కారం, ఉప్పు చల్లి కలుపుకోవాలి, చివరగా కొబ్బరి తురుము కూడా చల్లుకొని బాగా మిక్స్ చేసుకోవాలి.
5. క్యారెట్ కొకొనట్ ఫ్రైని క్రిందికి దింపుకొనే ముందు కొత్తమీర తరుగును గార్నిష్ చేసుకొని స్టౌ ఆఫ్ చేసి క్రిందికి దింపేసుకోవాలి. అంతే క్యారెట్ కొకొనట్ ఫ్రై రెడీ. రైస్, రోటికి, చపాతికీ సూపర్బ్ కాంబినేషన్.