బరువు తగ్గించే చిక్కుడుకాయ పప్పు...

Published: Saturday, June 16, 2012, 11:45 [IST]

చిక్కుడు కాయ తింటే చిక్కులు తొలగిపోతాయి. బరువు పెరగడమనేది పెద్ద చిక్కు పారిపోతుంది. చిక్కుడుతో కూరమాత్రమే చేస్తారనుకుంటే పొరపాటు. చిక్కుడు బజ్జీ, సాగూ, చిక్కుడు వడలు, చిక్కుడు పరోఠా, చిక్కుడుకాయ పప్పు, చిక్కుడు చెక్కలు.. అన్నీ వెరైటీలే. ఇది చిక్కుడు సీజన్ దాంతో మనం వెరైటీల విందు చేసుకుంటుంటే వానదేవుడికి కూడా నోరూరి చినుకు మార్గాన చరచరా వచ్చేస్తాడు. చిక్కుడును ఉడికించి మనం ఆయనను మరింత ఊరిద్దాం రండి .. వెరైటీ రుచులు చూసేద్దాం...

కావలసిన పదార్థాలు:
కందిపప్పు: 1
నూనె: సరిపడ
చిక్కుడుకాయముక్కలు: 1
ఉల్లితరుగు: 1
చింతపండు రసం: 2
పచ్చిమిర్చి పేస్ట్: తగినంత
ఉప్పు: రుచికి సరిపడా
కొత్తిమీర చిన్న కట్ట
కారం: 2
అల్లం వెల్లుల్లి పేస్ట్: తగినంత
పసుపు: చిటికెడు
కరివేపాకు : రెండు రెమ్మలు
పోపు కోసం
ఆవాలు: 1
జీలకర్ర: 1
ఎండుమిర్చి: 5

తయారు చేయు విధానం:
1. ముందుగా కందిపప్పులో నీరు పోసి పావుగంటసేపు నాననివ్వాలి.
2. ఆ తర్వాత పాన్ లో రెండు చెంచాల నూనె వేసి వేగా అందులో పోపు దినుసులు వేసి దోరగా వేయించాలి. తర్వాత ఉల్లితరగు, చిక్కుడు కాయ ముక్కలు, కందిపప్పు, పసుపు వేసి తగినంత నీరు పోసి మూత పెట్టి నాలుగయిదు విజిల్స్ వచ్చాక దింపేయాలి.
3. పదినిముషాల తర్వాత విజిల్ తీసేసి అందులో కారం, ఉప్పు, కరివేపాకు, చింతపండు రసం, పచ్చిమిర్చి పేస్ట్, అల్లం వెల్లుల్లి పేస్ట్ వేసి బాగా కలిపి స్టౌ మీద పెట్టి కలుపుతూ ఉండాలి. రెండు మూడు నిమిషాల తర్వాత కొత్తిమీర చల్లి దించాలి. అంతే చిక్కుడు కాయ పప్పు రెడీ..ఇది అన్నం, చ పాతీలలోకి చాలా బావుటుంది.