టేస్ట్ లో ‘ది బెస్ట్’ .. ఆరోగ్యానికి ‘పరఫెక్ట్’...

Veg

oi-Sivanjaneyulu Bommu

By Sivanjaneyulu Bommu

Published: Wednesday, August 10, 2011, 15:37 [IST]

మినప దోశ.. పెసరదోశ..రవ్వదోశ...ఉల్లి దోశ ఇలా చెప్పుకుంటూ పోతే.. చాంతాడంత దోశల లిస్ట్ వస్తుంది... ఈ దోశలను చాలా మంది చాలా విధాలుగా తయారు చేస్తారు. కొంచెం కొత్తదనానికి.. కాస్తంత వెరైటీని జోడిస్తే ఓ కొత్తరకం '' మిక్స్ డ్ డ్రై ఫ్రూట్ దోశ '' పుట్టుకొచ్చిందండయ్.. చక్కటి రుచి కలిగి ఉండటమే కాకుండా, ఆరోగ్య పోషకాలు కలిగి ఉన్న బ్రేక్ ఫాస్ట్ '' టేస్ట్ లో 'ది బెస్ట్' .. ఆరోగ్యాని 'పరఫెక్ట్' '' గా నిలుస్తుంది. మరీ ఈ వంటకాన్ని తయారు చేసుందుకు కావల్సిన పదార్థాలు, తయారీ విధానం ఒక సారి చూద్దామా..!!

కావల్సిన పదర్థాలు :
దోశల పిండి (ఉప్పుకలపనిది) - తగినంత, ఎండుకొబ్చరి తురుము - అరకప్పు, బాదంపప్పు, జీడిపప్పు, పిస్తాపప్పు, ఎండుద్రాక్ష, పంచదారను తయారీకి సరిపడా (మిక్సీలో వేసి పౌడర్ లా చేసుకోవాలి), యాలుకల పొడి - రెంటు టీ స్పూన్లు, గసగసాలు - మూడు టేబుల్ స్పూన్లు.

తయారుచేసే విధానం:
తొలత మిక్సీలో పౌడర్ పట్టి సిద్ధంగా ఉంచుకున్న డ్రై ఫ్రూట్స్ మిశ్రమాన్ని ఒక పాత్రలోకి తీసుకుని అందులో పంచదార పొడి, యాలుకల పొడి, కొబ్బరి తురుము, గసగసాలు వేసి బాగా కలుపుకోవాలి. ఇప్పుడు పెనం పై దోశ పిండితో అట్లు వేసుకోవాలి. దాని పై తగినంత డ్రై ఫ్రూట్స్ మిశ్రమాన్ని సరిపడా ఆయిల్ ను వేసి ఒక వైపు మాత్రమే కాల్చి మడత పెట్టకొని సర్వింగ్ ప్లేట్ లోకి తీసుకోవాలి. వీటిని వేడి వేడిగా లాగిచేస్తే మంచి రుచికరంగా ఉంటాయి. డ్రై ఫ్రూట్స్ ఉండటం వల్ల పిల్లలు ఈ దోశలను బాగా ఇష్టపడి తింటారు.