ఆహా..ఓహో..పసందైనాఉగాది పచ్చడి...

Published: Wednesday, March 21, 2012, 9:16 [IST]

Ugadi Pachadi with the Six Flavors for Ugadi Festival Special

ఉగాది భావాన్ని తెలిపేది ఉగాది పచ్చడి. షడ్రుచుల సమ్మేళనంగా చేసే ఈ పచ్చడి జీవితంలో జరిగే వివిధ అనుభవాలకు ప్రతీక. జీవితం అన్ని అనుభవములు కలిగినదైతేనే అర్ధవంతం అని చెప్పే భావం ఇమిడి ఉంది . పచ్చడిలో ఉండే ఒక్కొక్క పదార్ధం ఒక్కొక భావానికి, అనుభవానికి ప్రతీక..తీపి, పులుపు, కారం, ఉప్పు, వగరు, చేదు అనే ఆరు రుచులు కలసిన ఉగాది పచ్చడి తింటారు. వత్సరం పొడుగునా ఎదురయ్యే మంచి చెడులను, కష్ట సుఖాలను సంయమనంతో స్వీకరించాలన్న సందేశాన్ని ఉగాది పచ్చడి ఇస్తుంది. ఈ పచ్చడి కొరకు అరటి పళ్ళు, మామిడి కాయలు, వేప పువ్వు, చింతపండు, బెల్లం మొదలగునవి వాడుతుంటారు.

కావలసిన పదార్థాలు:
తగినన్ని మామిడి ముక్కలు
వేప పువ్వులు: 3tbsp
కొత్త చింతపండు: 50grm
బెల్లం తురుము: 1/2cup
కారం: 1tsp
ఉప్పు: తగినంత
అరటిపండు ముక్కలు: కొద్దిగా

తయారు చేయు విధానం:
1. ముందుగా కొత్త చింతపండుని ఓ గ్లాసు నీళ్లలో వేసి నానబెట్టాలి. ఆతర్వాత చింతపండు పులుసు పిండి ఓ గిన్నెలో వేయాలి.
2. చింతపండు పులుసులో సన్నగా తరిగిన మామిడి ముక్కలు, వేపపువ్వులు, కారం, ఉప్పు కలపాలి.
3. ఆ తర్వాత దానికి బెల్లం, అరటి పండు ముక్కలు కలిపితే ఉగాది పచ్చడి రెడీ.