జంట వున్నా...ఒంటరి బతుకే!

Relationship

oi-Nageswara

By B N Sharma

Published: Friday, April 20, 2012, 12:26 [IST]

కెరీర్ అభివృధ్ధి చేసుకోవాలనుకునేవారికి పని తప్ప వేరే అంశమే పట్టని వారికి తేడా వుంది. కెరీర్ కావాలనుకునేవారు అతని లేదా ఆమె కెరీర్ వైపు పరుగుతీస్తారు. ఇక వారికవసరమైన ధనం కూడా అదే రీతిలో వచ్చేస్తుంది. అయితే, పని తప్ప మరో ధ్యాస లేని వారికి పనంటే ప్రేమ. అంతే...ఇక ధనం మరియు విజయాలు వంటివి వారికి పట్టని విషయాలే. ప్రేమ అనేది చర్మం కంటే లోతులో ప్రవహిస్తుంది. అది ఎలా వుంటుందనేది ఒక పనిప్రేమితో పెళ్ళి అయితేనే తెలుస్తుంది.

జంటలులో ఒకరు పని ప్రేమి అయితే, వివాహ జీవితంలో చాలా సమస్యలు పొందుతారు.

మరి ఒక పని ప్రేమితో పెళ్ళి అయితే ఏం జరుగుతుందో చూడండి.

1. మీరు చూడాలనుకున్న సినిమా సగభాగం మీరు వెళ్ళేసరికి అయిపోతుంది. పని ప్రేమికులు ఎల్లపుడూ ఆలస్యమే. వారు సరిఅయిన సమయానికి వచ్చేది వారి పనిప్రదేశానికి మాత్రమే. వారెప్పుడూ ఆ ప్రదేశాన్ని వదలరు కనుక.

2. ఫోన్ చేస్తే ఆ రింగు మీరు వింటూ వుండటమే. వారు దానిని ఎత్తరు. మీ పురుషుడు పనిప్రేమి అయితే, అది ఎత్తక పోగా దానిని సైలెంట్ మోడ్ లో కూడా పెట్టడు.

3. అతడు మిమ్మల్ని సెలవులకు ఎపుడో ఒకసారి మాత్రమే తీసుకు వెళతాడు. ఎంత జాగ్రత్తగా అతను ప్రణాళిక చేసినప్పటికి సెలవులలో కూడా ఏదో ఒక పని వస్తుంది. పని ఎపుడూ చేసే వారికే వస్తూంటుంది. ఫలితంగా మీరు సెలవులకు ఒంటరిగా వెళ్ళటమే.

4. ఒంటరిగా కూర్చుని భోజనం చేయటం నేర్చుకోవాలి. భోజనం ముందు ముచ్చట్లు అసలే వుండవు. పనిప్రేమికుడితో పెళ్ళి జీవితాంతం ఒంటరి భోజనమే. అతని కొరకు వెయట్ చేస్తే ఆకలితో చావాల్సిందే.

5. పిల్లలకు మీరొకరే పేరెంట్. మీరే పెంచాలి. పనిప్రేమికులు చాలా స్వార్ధపరులు. వారి పనికి తప్పించి దేనికి సమయం కేటాయించరు. పిల్లల్ని కూడా పూర్తిగా మీకే అంటకట్టేస్తారు.

6. అతని జన్మదినం, పెళ్ళి వార్షికోత్సవం వంటివి మీరే గుర్తు చేయాలి. అతనికి గుర్తుండదు. మేరేజ్ డే అంటూ బహుమతి ఇస్తే, ధేంక్యూ నీ మేరేజ్ డేకి కూడా బహుమతి ఇస్తాలే....అనే రకాలుంటారు.

ఈ వివాహ జీవిత సమస్యలు ఎదుర్కొనాలంటే తప్పక ఒక పనిప్రేమికుడిని పెళ్ళాడండి.