పెళ్ళంటే భయం....పడకంటే ఇష్టం!

By B N Sharma

Published: Wednesday, June 20, 2012, 14:02 [IST]

పెళ్ళి అయిన స్నేహితులతో పెళ్ళి కుదిరిందిరా? అని చెప్పారో....ఆ భగవంతుడు నిన్ను కాపాడుగాక అని దీవించేస్తారు. సాధారణంగా పురుషులు పెళ్ళి అంటే భయపడతారని అనుకుంటారు. కాని ఇది చాలా తప్పు. పురుషులు మాత్రమే కాదు, స్త్రీలు కూడా వివిధ కారణాలుగా భయపడుతూనే వుంటారు.
డేటింగ్ కు సిద్ధ పడినప్పుడు ఎంచుకునే భాగస్వామిని పెళ్ళి కారణంగా కూడా ఎంచుకుంటారు. కాని, వివాహ ప్రతిపాదన రాగానే, భయం పట్టుకుంటుంది. చిన్న వయసు వారిలో పెళ్ళి అంటే భయం సహజమే. కొంతమంది వివాహాన్ని, సమాజంలో ఒక ఉచ్చు వంటిదని భావిస్తారు.

మరి అసలు వివాహం అంటే భయపడాల్సిన అవసరం ఉందా? పెళ్ళి అంటే భయపడేందుకు కారణాలేమిటి? పరిశీలిద్దాం.

భాధ్యతల భయం - పెళ్ళి చేసుకుంటే వచ్చిపడే కొత్త రకం భాధ్యతల బరువును గురించి చాలామంది పురుషులు, స్త్రీలు భయపడతారు. పెళ్ళికి ముందు, వారు పెద్దవారి భాధ్యతలో ఉంటారు. పెళ్ళి తర్వాత, వారి భాధ్యత వారు తీసుకోవడమే కాక, వేరే ఇతరుల భాధ్యతకూడా తీసుకోవలసి వస్తుంది. అప్పటివరకు కేర్ ఫ్రీగా వుండే జంటలు పెళ్ళి అయిందంటే, భాధ్యతగల పురుషుడు, స్త్రీ గా మారిపోతారు.

సర్దుబాట్ల భయం - వివాహ జీవితం సక్సెస్ కావాలంటే, ప్రధానంగా సర్దుబాట్లు వుండాలి.జీవిత భాగస్వామితో, కొత్త వాతావరణంతో, బావమరుదులు, అత్త, మామలు వంటివారితో, సర్దుబాటు చేసుకోగలగాలి. సాధారణంగా అత్తమామలతో సర్దుబాటే ప్రత్యేకించి స్త్రీలు భయపడతారు. దానికి కారణం వీరే అధిక సమస్యలు తెచ్చి పెట్టేది కూడాను. కాని అది అందరి విషయంలోను వుండదు. ఏదేమైనప్పటికి కొత్త కుటుంబంలో సర్దుబాటుకు కొంత సమయం తీసుకుంటుంది. కాని తప్పక సర్దుకుంటారు. సమయం గడిచిందంటే, బాగా సంబంధాలు వికసిస్తాయి.

కలసి నిర్ణయాలు - పెళ్ళి తర్వాత నీవు లేదా నేను అనేది వుండదు. మనం ....అనుకోవాలి. ఒక్కరుగా నిర్ణయం తీసుకోరాదు. సింగల్ గా నిర్ణయం తీసుకుంటే, అది కొన్ని మార్లు సంబంధం పాడుచేస్తుంది. అంశం ఆర్ధికం, లేదా మానసికం ఏదైనప్పటికి ఒకరితో మరిఒకరు కలసి నిర్ణయం తీసుకోవాలి. అంటే దీని అర్ధం మీకు స్వేచ్ఛ ఉండదని కాదు. అది ఒకరి భావాలను మరొకరు లేదా ఒకరి నిర్ణయాన్ని మరొకరు గౌరవించటం.

చెడు పెళ్ళి సంబంధం - కొంతమంది జంటలకు తమ సమీప బంధువులలోనే కొన్ని చెడిపోయిన వివాహ జీవితాలు కనపడతాయి. అదే కారణంగా కూడా వీరు కొంత భయపడతారు. అయితే, అన్ని సంబంధాలు చెడుగా వుండవు. ఆనందిస్తున్న జంటలు కూడా అధికంగానే వున్నారు. వాటిలో మీది ఒకటిగా భావించి పెళ్ళి అంగీకరించవచ్చు.

తన పార్టనర్ మారిపోతాడన్న భయం - పెళ్ళి తర్వాత మార్పులు వస్తాయన్న సాధారణ భయం కూడా వుంటుంది. భాగస్వామి మానసికంగా మారతాడనేదే కాదు, తర్వాత శారీరకంగా కూడా మారి అయిష్టత చూపుతాడనే భయం వీరికుంటుంది. ఈ లోకంలో ప్రతిదీ మారేదే అని గ్రహించండి. ఏదీ శాశ్వతంకాదు. మార్పు రానిది, మరింత పెరిగేది మీరు మీ భాగస్వామితో పంచుకునే ప్రేమ మాత్రమేనని గుర్తించండి.

ఈ కారణాలుగా మీరు వివాహానికి భయపడవద్దు. ఇవన్ని చిన్నపాటి కారణాలు. వీటిని కొద్ది ప్రేమ, అవగాహనలతో సరిచేయవచ్చు. కనుక, సరైన జీవిత భాగస్వామి దొరికితే, ఆనందంగా వివాహం చేసుకోండి.

Comments

Story first published: Wednesday, June 20, 2012, 14:02 [IST]

Other articles published on Jun 20, 2012

Latest Updates

Should You Fear Marriage? | పెళ్ళి అంటే భయమా?