మీ స్నేహితుడికి మీరంటే...అసూయా?

అసూయ అనేది పుట్టటానికి కారణాలు అనేకం ఉంటాయి. వాటిలో అందమైన అమ్మాయితో డేటింగ్ లేదా మంచి జీతం, లేదా స్నేహితులంతా మిమ్మల్నే కోరటం....మొదలైనవి మీ ఫ్రెండ్ కి అసూయ పుట్టించేలా చేస్తాయి. స్నేహితులు అసూయ భావించటం మొదలుపెడితే, మీ ఇద్దరి మధ్య సంబంధాలు చెడిన తర్వాత గాని మీకు ఆ విషయం తెలియదు. కొంతమంది స్నేహితులు తమ అసూయను బాహాటంగా బయట పెట్టేస్తారు. కాని చాలామంది వారి గుండె లోతుల్లో దానిని ఉంచేసి బయటకు ఏ మాత్రం లేకుండా స్వీట్ గా ప్రవర్తిస్తారు. కనుక మీ మంచి మిత్రుడు మీ పట్ల అసూయతో ఉన్నాడనేందుకు నిదర్శనం ఎలా చూపాలి?

ఒక మంచి స్నేహితుడు మన పట్ల అసూయతో ఉన్నాడనేందుకు చిహ్నాలు!
తప్పించుకు తిరగడం - ఒక స్నేహితుడికి బాగా అసూయ ఉంటే, అతను లేదా ఆమె మిమ్మల్ని వీలైనంతమేరకు తప్పించుకు తిరుగుతారు. ఎందుకంటే అతను మీరు జీవితంలో పైకి రావటం చూడలేడు కనుక. నేను చాలా బిజీగా వున్నాను. నీ వద్దకు రాలేను అనేది సాధారణంగా అటువంటి వారు చెప్పే సాకుగా ఉంటుంది.

మిమ్మల్ని తక్కువ చేయడం - మీరంటే అసూయపడే కొంతమంది స్నేహితులు మీతో పోటీకి దిగుతారు. ఇతరులముందు మిమ్మల్ని తక్కువచేసి చూపటమే వారి లక్ష్యంగా ఉంటుంది. ఇది అసూయ గుణం ఉండే వారికి సర్వసాధారణ గుణంగా భావించాలి. అతనికి లేదా ఆమెకు చిన్నతనం లేదా ఇన్ ఫీరియారిటీ కలిగి వుందనేందుకు ఇది సాధారణం.

ప్రతి దానికి వ్యాఖ్యలు - మీ మంచి మిత్రుడు అసూయా పరుడు అతను చెప్పిందే ఎల్లపుడూ సరైనదని, మీరు ఏది చెప్పినా అది పూర్తి తప్పు అని కూడా సూచించేందుకు ప్రయత్నిస్తాడు. చిన్న అంశాలలో మిమ్మల్ని సరిచేస్తూ, వ్యాఖ్యలు చేస్తాడు. ఇదంతా మీ మనసును బాధ పెట్టటానికి మీ విశ్వాసం సడలించటానికి చేస్తాతడు. లో లోపల ఎంతో అయిష్టంగా, మీరంటే కోపంగా కూడా ఉంటాడు.

మీ మంచి మిత్రుడు మీ పట్ల అసూయగా వుండటం సాధారణ విషయమే. మీరు మీ స్నేహితుడి ఆనందాన్ని తప్పక మీదిగా భావించండి. అందరూ ఒకే తీరునరకూడా ఉండరని గ్రహించండి. మీరు భావించినట్లే మీ స్నేహితుడు భావించకపోవచ్చు. మీ స్నేహితుడితో చర్చించండి ...మీ ఇద్దరి మధ్య ఉన్న పొరపొచ్చాలను సరిదిద్దుకోండి.