Latest Updates
-
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు! -
చలికాలంలో శరీరానికి వెచ్చదనాన్నిచ్చే ఆరోగ్యకరమైన నువ్వుల పట్టీ..ఇంట్లోనే ఇలా చేసుకోండి! -
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..
ప్రేమ కోసం ప్రాధేయపడొద్దు.. మీకంటూ ఈ 4 లక్షణాలు ఉంటే ఎవరైనా మీ వెనకే వస్తారు!
ఒకరి దృష్టిని ఆకర్షించడానికి మిస్టరీ(రహస్యం)గా ఉండటం అంటే.. తీరిక లేనట్లు నటించడం లేదా మెసేజ్లకు కావాలనే ఆలస్యంగా రిప్లై ఇవ్వడం కాదు. అది కేవలం వ్యూహం ముసుగులో ఉన్న అపరిపక్వత మాత్రమే. నిజమైన మిస్టరీ అంటే అపారమైన ఆత్మనిగ్రహం. ఎవరైనా మెసేజ్ చేయకపోయినా, ఫోన్ చేయకపోయినా కుప్పకూలిపోని మానసిక స్థైర్యాన్ని కలిగి ఉండటం. ఒంటరిగా ఉన్నప్పుడు కూడా నాకు నేనే చాలు అని నమ్మే నిశ్శబ్దమైన ఆత్మవిశ్వాసం అది.

చాణక్యుడు ఒకప్పుడు ఏమన్నాడంటే..మీ పూర్తి ప్రణాళికను ఎవరికీ చెప్పకండి, చివరకు మీ అత్యంత సన్నిహితులకు కూడా. ఆధునిక ప్రేమకథల్లో ఒత్తిడి లేకుండా బంధాలు నిలబడాలంటే ఈ సూత్రమే బ్రహ్మాస్త్రం. సిద్ధాంతాల పక్కనపెట్టి, ఆచరణలో ఇది ఎలా ఉంటుందో ఇక్కడ చూడండి.
మీకంటూ ఓ ప్రపంచాన్ని సృష్టించుకోండి
మీరు ఎల్లప్పుడూ అందరికీ అందుబాటులో ఉండాల్సిన పనేలేదు. మీరు ఇష్టమైన పాటలు వింటున్నా, పుస్తకం చదువుతున్నా, లేదా ప్రశాంతంగా ఆలోచిస్తూ కూర్చున్నా.. ఆ క్షణం మీదే. ఫోన్ మోగగానే ఏదో అగ్నిప్రమాదం జరిగినట్లు పరుగెత్తుకెళ్లి లిఫ్ట్ చేయాల్సిన అవసరం లేదు. మీ పనులన్నీ పూర్తయ్యాక, ప్రశాంతంగా, హుందాగా మాట్లాడండి. అపరాధ భావం వద్దు. మిమ్మల్ని అంత ప్రశాంతంగా ఉంచిన విషయం ఏమిటో అని ఇతరులు ఆశ్చర్యపోయేలా చేయడమే నిజమైన ఆకర్షణ.
మీ అందాన్ని, ఆనందాన్ని మీరే పెంచుకోండి
తమను తాము ప్రేమించుకునే వారి ముఖంలో కనిపించే తేజస్సు, ఏ ఖరీదైన క్రీమ్స్ రాసినా రాదు. అది అహంకారం కాదు, అంతర్గత శాంతి. మీ ఆరోగ్యంపై శ్రద్ధ పెట్టండి, వ్యాయామం చేయండి, డాన్స్ చేయండి. మీ ఆలోచనా పరిధిని విస్తరించే పుస్తకాలు చదవండి. మీ జీవితాన్ని మీ ఆనందంతో నింపుకోండి, ఇతరుల గుర్తింపు కోసం ఎదురుచూడకండి. మీకంటూ ఒక లక్ష్యం, సొంత జీవితం ఉన్నప్పుడు.. మీరే ఒక వెలుగులా మారి అందరినీ ఆకర్షిస్తారు.

అన్నీ చెప్పేయకండి.. ఒక అందమైన చిక్కుముడిలా ఉండండి
మన గురించి అన్నీ ఇతరులకు తెలిసిపోతే, అందులో ఎలాంటి ఆసక్తీ ఉండదు. మీ ప్రతి చిన్న విషయాన్ని, పనులను అందరికీ వివరించకండి. మీ జీవితాన్ని ఒక తెరిచిన పుస్తకంలా ఉంచకండి. కొన్ని విషయాలను, భవిష్యత్ ప్రణాళికలను మీలోనే దాచుకోండి. చాణక్యుడు చెప్పినట్లు తక్కువ మాట్లాడేవాడే ఎక్కువ శాసిస్తాడు. మీ తర్వాతి అడుగు ఏమిటో ఎవరికీ అర్థం కానిప్పుడే, వారు మీ గురించి తెలుసుకోవాలని మరింతగా తపిస్తారు. ఆ ఆసక్తే బలమైన బంధానికి పునాది.
అప్పుడప్పుడూ అదృశ్యమవ్వండి.. ఉత్సాహంగా తిరిగి రండి
దీని అర్థం ఇతరులతో ఆటలు ఆడటం కాదు. మీ కోసం మీరు కొంత సమయం కేటాయించుకోవడం. కొద్దిసేపు ప్రపంచపు హోరును పక్కనపెట్టి, మీ ఏకాంతాన్ని ఆస్వాదించండి. మీరు తిరిగి వచ్చినప్పుడు మరింత కొత్త శక్తితో ఉత్సాహంగా ఉంటారు. పగటి పూట వృథాగా వెలగని దీపమే, చీకటి పడ్డాక మరింత ప్రకాశవంతంగా వెలుగుతుంది అన్న చాణక్యుని మాటలు ఇక్కడ అక్షర సత్యాలు. ప్రకాశించడానికి ఎల్లప్పుడూ కనిపించాల్సిన పనిలేదు.
మిస్టరీ అంటే ఇతరులను మోసం చేయడం కాదు, అది మీ పరిపక్వతకు నిదర్శనం. మీ ప్రేమ ఇతరులకు ఒక ఎంపికలా అనిపించాలి కానీ, ఆధారపడటంలా కాదు. కాబట్టి ఎవరైనా మీతో నిన్ను అర్థం చేసుకోవడం చాలా కష్టం అన్నప్పుడు, చిన్నగా నవ్వండి. ఎందుకంటే మిమ్మల్ని అర్థం చేసుకోవడం కష్టం కాదు, మీరు ఎవరికీ అంత సులువుగా లొంగిపోరని వారికి తెలియజెప్పండి.



Click it and Unblock the Notifications
