మీరు మీ భార్యతో ఎన్నడూ ఎందుకు వాదులాడకూడదో తెలుసా??

స్త్రీలు సహనంతో ఉండాలి అనుకునే రోజులు కావివి. ఈరోజుల్లో మగవారు సహనంతో ఉండాలి ఎందుకంటే ఈనాటి స్త్రీలు అనేక బాధ్యతలని ఏక కాలంలో నిర్వర్తిస్తూ ఒత్తిడికి గురి అవుతున్నారు.

వీటికి తోడు స్త్రీలకి సహజంగా ఉండే హార్మోన్ సమస్యలవల్ల ఒక్కోసారి వారు దిగ్గున లేస్తుంటారు.అందువల్ల స్త్రీలతో వాదించడం సమంజసం కాదు.తెలివైన పురుషుడెప్పుడూ కోపంలో స్త్రీ అన్న మాటలని పట్టించుకోడు.స్త్రీ అలా ఎందుకందో అందుకు దారి తీసిన పరిస్థితులేమిటో అర్ధం చేసుకోగలరు తెలివైన మగవారు.పైగా పోట్లాటలవల్ల లాభం లేకపోగా అందమైన వివాహ బంధం దెబ్బతింటుంది.

మీ ఆలోచనలని ఆమె మీద రుద్దడం లేదా ఆమెకి సహకరించకపోవడం లాంటి పనులు మీ వివాహ జీవితాన్నిమరింత జటిలం చేస్తాయి.ఇంకొక ముఖ్య విషయం ఇగో.ఈ ఇగో వల్లే ఒక్కోసారి వాదనలు మరింత పెరుగుతాయి. దీనివల్ల మన మనసు మరింత గాయపడే అవకాశం ఉంది.దీనిని కనుక మనం తప్పించుకోగలిగితే వివాహ బంధం ఎంత అందం గా ఉంటుందో.మీరు మీ భార్యతో వాదులాడటం నిష్ప్రయోజనం అని ఎందుకన్నామో చూద్దాము.

ఆమె ఎప్పటికీ అర్ధం చేసుకోలేదు:
ఒక వ్యక్తి కనుక వాదులాడే మూడ్‌లో ఉంటే వారు వారి భావాలని వ్రెళ్ళగక్కుతారు.ఆమె కనుక అలాంటి మూడ్‌లో ఉంటే కాం గా ఉండి ఆమెని మాట్లాడనివ్వండి.మీరు కూడా అప్పుడే ఎదురు దాడి మొదలెడితే ఆమె మీ పాయింట్ ని అర్ధం చేసుకోలేదు.

అపరిపక్వతకి గుర్తు:
మీరు ఇప్పుడు ఇంకా అబ్బాయి కాదు.ఇప్పుడు మీరు పరిపూర్ణమయిన మగవారు. అలాంటివారు పరిపక్వతతో వ్యవహరిస్తారు.తెలివైన పురుషులెప్పుడూ వృధా వాదనలు చేయరు.అందువల్ల మీ నాలుకని అదుపులో పెట్టుకుని ప్రశాంతంగా ఉండండి.

వాదన ఏ సమస్యకీ పరిష్కారం కాదు:
మానవ చరిత్ర అంతా పరిశీలించి చూసినా కూడా ఎక్కడా కూడా నిర్మాణాత్మక చర్చలు ఉపయోగపడ్డట్టుగా వాదనలు ఉపయోగపడ్డ దాఖలాలు లేవు.పైగా వాదనలవల్ల సున్నితమైన మానవ సంబంధాలు తెగిపోయే ప్రమాదం ఉంది.

మీరు ఆమెని ప్రేమిస్తున్నారా లేదా:
మీరు నిజంగా మీ భార్య ని ప్రేమించేవారయితే ఆమె కోణాన్ని కూడా అర్ధం చేసుకునే ప్రయత్నం చేయండి. మీ బంధం లో ఘర్షణ తగ్గి బంధం బలపడాలంటే ఆమె కూడా తన భావాలని వ్యక్తీకరించగలిగే స్వేచ్చనివ్వండి.