Amir Khan Birthday : అమీర్ ఖాన్ రీల్ లైఫ్ లో మాత్రమే మిస్టర్ పర్ఫెక్టా? రియల్ లైఫ్ లో కూడానా?

రియల్ లైఫ్ లో..

1965 సంవత్సరంలో ముంబైలోని ముస్లిం కుటుంబంలో జన్మించిన అమీర్ ఖాన్ 1973లో యాడోన్ కి బారాత్ చిత్రం ద్వారా తెరంగేట్రం చేశారు. తన తొలి సినిమా తర్వాతే అమీర్ తన ఇంటి సమీపంలోని రీనా అనే అమ్మాయితో ప్రేమలో పడ్డాడు.

హిందూ అమ్మాయి..

అమీర్ ఖాన్ ముస్లిం కుటుంబానికి చెందినవాడు.. ఆమె ప్రియురాలు రీనా మాత్రం హిందూ కుటుంబానికి చెందిన ఆమె. అయితే వీరిద్దరూ భిన్నమైన మతానికి చెందిన వారు అయినప్పటికీ, అచ్చం సినిమాలో లాగా నిజ జీవితంలో కూడా పెద్దలను, సమాజాన్ని ఎదిరించాల్సి వచ్చింది.

ప్రేమను నిరూపించుకునేందుకు

అమీర్ ఖాన్ తన ప్రేమను నిరూపించుకునేందుకు చాలా కష్టాలు పడ్డాడట. తొలుత వన్ సైడ్ లవ్ స్టార్ట్ చేసిన అమీర్ ఖాన్ తన ప్రేమ గురించి మీడియాలో వార్తలు రావడంతో ఆమెతో చివాట్లు తిన్నాడట. అయితే అమీర్ ఖాన్ తన ప్రయత్నం మానలేదు.

రక్తంతో ప్రేమ లేఖ..

అయితే అమీర్ ఖాన్ ఓసారి రక్తంతో ప్రేమ లేఖ రాశారంట. ప్రేమ గుడ్డిది అని అంటూ ఉంటారు కదా. అలానే అమీర్ ఖాన్ ప్రేమలో రీనా దత్తా గుడ్డిగా ప్రేమలో పడ్డారు.

రహస్య వివాహం..

అయితే వీరిద్దరూ తమ వివాహాన్ని చాలా రహస్యంగా చేసుకున్నారు. దీంతో వీరు చాలా మంది వ్యతిరేకతను ఎదుర్కొన్నారు. అయినా కూడా వీరు ఏ మాత్రం భయపడకుండా కాపురాన్ని కొనసాగించారు.

16 ఏళ్ల తర్వాత..

అయితే వీరు పెళ్లి చేసుకున్న 16 ఏళ్ల తర్వాత విడిపోయారు. 2002 సంవత్సరంలో చట్టపరంగా విడాకులు తీసుకున్నారు. వీరు ఇద్దరు పిల్లలకు జన్మనిచ్చారు. కానీ వీరి వైవాహిక జీవితం ఒక్కసారిగా కుదుపునకు లోనైంది. అయితే వీరి మధ్య ఇప్పటికీ ప్రేమ ఉందని చాలా మంది చెబుతుంటారు.