ఆదిలాబాద్ టు అమెరికా వరకూ సాగిన ప్రేమాయాణం... చివరికి ఏమైందంటే...!

పల్లెటూరి అమ్మాయి..

నేను ఆదిలాబాద్ జిల్లాలోని పల్లెటూరికి చెందిన అమ్మాయిని. నాకు పదేళ్ల వయసులోనే మా అమ్మ, నాన్న చనిపోయారు. నేను రెండో తరగతి వరకే చదువుకున్నాను. మా అమ్మ నాన్న చనిపోయాక.. మా దూరపు బంధువులు నన్ను వాళ్ల ఇంటికి తీసుకెళ్లారు. వారు నాకు అత్త, మామలు అవుతారు.

హైదరాబాద్ వచ్చాక..

వాళ్లు కొద్దిరోజుల పాటు అక్కడే ఉండి హైదరాబాద్ మహానగరానికి తీసుకొచ్చారు. అక్కడికొచ్చాక నాకు అసలైన సినిమా కనిపించింది.. అప్పుడే అన్ని సమస్యలు ఒకదాని వెంట ఒకటి వచ్చి పడ్డాయి.. నేను ఆ ఇంట్లో ఉండటం అత్తకు అస్సలు ఇష్టం లేదు.

పశువు కంటే హీనంగా..

నన్ను నిత్యం కొడుతూ.. తిడుతూ ఉండేది. నన్ను కనీసం పాఠశాలకు కూడా పంపలేదు. అంతేకాదు రాత్రిళ్లు నిద్ర కూడా పోనీయకుండా పని చేయించుకునేది. ఒక్క మాటలో చెప్పాలంటే పశువు కంటే హీనంగా చూసేది.

ఓ రోజు మామయ్య..

ఇక మామయ్య నాతో బాగానే ఉండేవాడు. ఓ రోజు నన్ను ఒక చోటుకు తీసుకెళ్లాడు. అక్కడి వ్యక్తులతో కలిసి కొన్ని రోజుల పాటు ఉండమన్నాడు. కానీ అతను నన్ను అమ్మకానికి పెట్టినట్టు, అందుకే అక్కడకు తీసుకెళ్లడాని నాకు ఆలస్యంగా అర్థమైంది.

వినకుండా వదిలేళ్లాడు..

అయితే అది ఒక రెడ్ లైట్ ఏరియా అనే విషయం మాత్రం నాకు త్వరగానే తెలిసిపోయింది. కారుచీకట్లో దుర్వాసన వస్తోందని... అక్కడ నేను ఉండలేనని మామయ్య కాళ్లు పట్టుకుని బతిమిలాడిన తను కనికరం చూపలేదు. నా మాట వినకుండా నన్ను అక్కడే వదిలేసి వెళ్లిపోయాడు.

రత్నమ్మత్త ప్రేమగా..

అయితే అక్కడ రత్నమ్మత్త నాతో చాలా ప్రేమగా మాట్లాడింది. మా అమ్మ తర్వాత నాతో అంత ప్రేమగా మాట్లాడిన వ్యక్తి తనొక్కటే. ‘నువ్వు బాధపడొద్దు. ఈరోజు నుండి ఇక్కడ నువ్వు సంతోషంగా ఉండొచ్చు. నువ్వు ఇక్కడి నుండి పోదామనుకుంటే.. నువ్వు బాధపడుతున్నావని తెలిస్తే వాళ్లు నిన్ను చిత్రహింసలు పెడతారు. కాబట్టి 18 సంవత్సరాలు వచ్చే వరకూ ఇక్కడే ఉండు ఆ తర్వాత నీతో స్వయం ఉపాధి కల్పించడం లేదా నిన్ను వేరే వాళ్లకు అప్పగించడం వంటివి చేస్తా'నని చెప్పింది.

రెండేళ్లు గడిచిపోయాయి..

అలా చూస్తుండగానే రెండు సంవత్సరాలు గడిచిపోయాయి. నేను కూడా నా పరిస్థితిని అర్థం చేసుకుని వారితో ఆనందంగా ఉన్నట్లు జీవించడం ప్రారంభించాను. అయితే ఈ కొద్దిపాటే సమయంలోనే నేను చదువుకోవాలనుకున్నా.. రేపటి గురించి ఆలోచించి.. ఈరోజును నాశనం చేసుకోదలచుకోలేదు.

నా ఆనందానికి అవధుల్లేవు..

నా కోరికను రత్నమ్మత్తకు చెప్పాను. ఆమె మా దగ్గరికి వచ్చే ఓ సోషల్ వర్కర్ కి చెప్పి, వారి సంస్థలో నేను చదువుకోవడానికి ఏర్పాటు చేసింది. అప్పుడు నా ఆనందానికి అవధుల్లేవు. అక్కడ నాకు చదువు చెప్పే వారిలో కుశాల్ కూడా ఒకరు. ఆయన పిహెచ్ డీ చేస్తూ సోషల్ వర్కర్ గా పని చేస్తున్నారు.

ఆ పరిచయం..

ఆయన నాకు పాఠాలు చెబుతున్న సమయంలో.. అతనితో ఏర్పడిన పరిచయం నా జీవితాన్ని మార్చేస్తుందని నేను అస్సలు భావించలేదు. అక్కడ తనతో పాటు మరో నలుగురైదుగురు మాస్టర్లు ఉన్నారు. వారంతా నాలాంటోళ్లకు చదువు చెబుతుంటారు. ఒకే ఏడాదిలో ఐదు సంవత్సరాల చదువు చెప్పేసి.. అక్కడే టెన్త్ క్లాస్ పరీక్షలు రాయిస్తారు. ఆ తర్వాత ఇంకా ఉన్నత చదువులు చదవడానికి స్కాలర్ షిప్ కూడా అందేలా చూస్తారు.

ఈ లోగా కుశాల్ తో ప్రేమలో..

అలా నేను పదో తరగతి పరీక్షలు రాశాను. ఈలోగా కుశాల్ పై నాకు ప్రేమ మొదలైంది. ఆయనతో ఎప్పుడూ అలా మాట్లాడుతూనే ఉండిపోవాలనిపించేది. ఈలోపు నా ఇంటర్ పరీక్షలు వచ్చేశాయి. ‘నేను ఈ పరీక్షలు బాగా రాస్తే.. నేను అడిగింది ఇస్తా' అని కుశాల్ చెప్పాడు. నేను తన మాట ప్రకారం బాగా చదివి ఎక్కువ మార్కులతో పాటు అమెరికాలో చదువుకోవడానికి స్కాలర్ షిప్ కూడా సంపాదించాను.

చిత్రమేమిటంటే...

నేను ఏ యూనివర్సిటీలో చదవడానికి స్కాలర్ షిప్ పొందానో.. కుశాల్ కూడా అక్కడే రీసెర్చ్ చేస్తున్నాడు. ఆ తర్వాత ఇంటి నుండి బయటకు రావడానికి కుశాల్ పని చేస్తున్న ఎన్జీఓ నాకు ఎంతగానో తోడ్పడింది. నేను వెళ్లిపోతున్న సమయంలో రత్నమ్మత్త బాగా ఏడ్చేసింది. ఆ తర్వాత నేను అమెరికా వెళ్లిపోయాను'

ప్రపోజ్ చేశాను..

ఆ తర్వాత మేమిద్దరం అమెరికా వెళ్లే ముందు కుశాల్ ‘నీకేం కావాలి' అని అడిగినప్పుడు నేను బదిలిస్తూ ‘నువ్వే కావాలి' అని బదులిచ్చాను. తనకు ఒక్క క్షణం ఏమి అర్థం కాలేదు. అందుకే స్పష్టంగా ‘ఐ లవ్ యూ' అంటూ తనకు ప్రపోజ్ చేశాను. అయితే ఈ విషయం చెప్పడానికి నేను చాలా భయపడ్డాను. కానీ ధైర్యం కూడగట్టుకుని చెప్పా. కానీ తన రిప్లై విని.. నేను చాలా బాధపడ్డా.

చాలా ఏడ్చాను..

నేను ప్రపోజ్ చేసిన వెంటనే ‘నీ లాంటోళ్లు చేతి వేలు అందిస్తే.. ఇంకేదో పట్టుకోవాలనుకుంటారు. నీలాంటోళ్లు కేవలం ఆనందం పొందేందుకు మాత్రమే కానీ పెళ్లికి పనికి రారు' అని మోహం మీదే చెప్పాడు. ఆ మాటల్ని విని నేను తట్టుకోలేకపోయాను. అది వినగానే ‘నేను నా తాహతుకు మించి అడిగానేమో' అనిపించింది. నాలాంటోళ్లు ప్రేమకు ఎందుకు పనికిరారు? నేనేం తప్పు చేశాను.. అంటూ ఆరోజు చాలా ఏడ్చాను.

ఉద్యోగం సంపాదించాను..

ఆ తర్వాత నేనంటే ఏంటో నిరూపించుకునేందుకు అమెరికా వెళ్లాను. కానీ తనను మాత్రం మరచిపోలేకపోయా. దీనికి తోడు తను కూడా అదే యూనివర్సిటీలో రీసర్చ్ చేస్తుండటంతో మేమిద్దరం ఎదురెదురు ఫ్లాట్లల్లోనే ఉండేవాళ్లం. తనకు నేంటే ఏంటో నిరూపించి నాలాంటి వాళ్లు కూడా జీవితంలో అన్నీ సాధించగలరని.. కష్టపడి చదివా.. మంచి మార్కులతో పాసవ్వడమే కాకుండా.. మంచి ఉద్యోగం కూడా సంపాదించాను.

ఇండియాకొచ్చాక ట్విస్ట్..

నేను ఇండియాకొచ్చాక నేను కలలో కూడా ఊహించని ట్విస్ట్ ఎదురైంది. రత్నమ్మత్త బ్యాండ్ బాజాతో నన్ను రిసీవ్ చేసుకుంది. ఆ తర్వాత కుశాలే నన్ను ప్రేమిస్తున్నాని చెప్పాడు. అయితే నా ప్రేమను ముందే స్వీకరిస్తే.. నేనెక్కడ చదువుకు స్వస్తి చెప్తానో.. స్కాలర్ షిప్ కూడా ఎక్కడ వదిలేస్తానో అని అబద్ధం చెప్పాడట. అప్పుడు నన్ను తక్కువ చేసి మాట్లాడినందుకు క్షమించమని కోరాడు. ఆ తర్వాత మేమిద్దరం కలిసి పెళ్లి చేసుకున్నాం. మాకు ఇప్పుడో ఓ పాప కూడా ఉంది. నేను ఉద్యోగంతో పాటు సోషల్ వర్క్ కూడా చేస్తున్నా. అలా రెడ్ లైట్ ఏరియాకు చెందిన అమ్మాయిల జీవితంలో వెలుగు నింపేందుకు ప్రయత్నిస్తాం..