మీ ప్రియురాలిని ఇంప్రెస్ చేయాలంటే.. ఇవి చేయక తప్పదు బ్రదర్...!

శ్రద్ధగా వినాలి..

మహిళలు చాలా భావోద్వేగంగా ఉంటారని చెప్పొచ్చు. వారికి ఏ విషయమైన భావోద్వేగంతోనే ముడిపడి ఉంటుంది. వారు ఆలోచించే వాటిలో లేదా మీతో పంచుకునే ప్రతి విషయంలో చాలా సిల్లీగా అనిపించొచ్చు. కానీ తను చెబుతున్న విషయాలు మీకు నచ్చకపోయినా మీరు ప్రతి విషయాన్ని చాలా శ్రద్ధగా వినాలి. అవసరమైతే అప్పుడప్పుడు సలహా కూడా ఇవ్వాలి. తాను చెప్పే విషయాలన్నీ వింటున్నందుకు తను చాలా సంతోషిస్తుంది.

స్కాన్ చేయకండి..

మనలో చాలా మంది పురుషులు కాస్త అందంగా ఏ అమ్మాయి కనబడినా.. పై నుండి కింది వరకు స్కాన్ చేసేస్తూ ఉంటారు. అయితే మీకు నచ్చిన మహిళ మనసు గెలుచుకోవాలంటే తనతో అలాంటి పనులు చేయకండి. ఇలా చేయడం వల్ల తనకు మీపై నమ్మకం కుదరదు. అయితే తనతో మీరు కళ్లలోకి కళ్లు పెట్టి చూస్తూ మాట్లాడండి. ఇలా చేయడం వల్ల మీ ఇద్దరి మధ్య బంధం మరింత బలపడుతుంది.

జోక్స్ చెప్పండి..

చాలా మంది మహిళలకు నవ్వుతూ ఉండటమంటే చాలా ఇష్టం. అందుకే జోక్స్ చెప్పే అబ్బాయిలను ఎక్కువగా ఇష్టపడతారు. కాబట్టి మీరు కొంచెం ఫన్నీగా ఉండటం మంచిది. అయితే మీ జోక్స్ హద్దు మీరకుండా జాగ్రత్తగా ఉండాలి. మీరు వేసే పంచ్, జోక్స్ కు నవ్వు రావాలి తప్ప చిరాకు కలిగించేలా ఉండొద్దు. కాబట్టి హస్యచతురను కాస్త పెంచుకోండి. ఇందుకోసం మీరు జోక్స్ వీడియోలు.. ఆన్ లైనులో వెతకడం వంటివి చేయాల్సిన పనిలేదు. మీరు బస్సులో వెళ్తున్నప్పుడు లేదా బైక్ పై వెళ్తున్నప్పుడు జరిగిన చిన్న చిన్న ఫన్నీ విషయాలను చెప్పండి చాలు. తన ముఖంలో ఎంత సంతోషం కనిపిస్తుందో మీరే చూడండి.

సోషల్ మీడియాతో జాగ్రత్త..

ప్రస్తుతం చాలా మంది సోషల్ మీడియాలో పోస్ట్ చేయడం అలవాటు చేసుకున్నారు. ఉదయం నిద్ర లేచిన దగ్గర్నుంచి రాత్రి నిద్ర పోయేంత వరకు తుమ్మినా.. దగ్గినా ఏవేవో పోస్టులు పెట్టేస్తున్నారు. మీకు కూడా అలాంటి అలవాటు ఉంటే.. దాన్ని తగ్గించుకోండి. ఎక్కువగా లైకులు, కామెంట్లు వస్తాయనే ఉద్దేశ్యంతో పిచ్చి పిచ్చి ఫొటోలు, వీడియోలు అప్ లోడ్ చేయొద్దు. మీ ఫ్రెండ్స్ తో కలిసి దిగిన ఫొటోలు, జర్నీ టైంలో తీసుకున్న ఫొటోలను అప్ లోడ్ చేస్తే.. తనకు మీపై మంచి ఇంప్రెషన్ ఏర్పడుతుంది.

డీప్ హగ్..

చాలా మంది అమ్మాయిలు తమ ప్రియుడు లేదా భాగస్వామి యొక్క స్పర్శను ఎక్కువగా కోరుకుంటారు. ముఖ్యంగా మీ నుండి వారు గాఢమైన కౌగిలి(డీప్ హగ్)ని కోరుకుంటారు. మీ కౌగిలిలో బంధి అయ్యేందుకు వారు చాలా ఎక్కువగా ఇష్టపడతారు. అలాగే వారు ఏదైనా బాధలో ఉన్నప్పుడు వారి దగ్గరికి వచ్చి ప్రేమగా మాట్లాడాలని ఆశపడుతూ ఉంటారు.

తమను బుజ్జగించాలని..

అమ్మాయిలలో చాలా మంది సున్నితంగా ఉంటారు. అందుకే వారు చిన్న విషయాలకే తెగ బాధపడిపోతూ ఉంటారు. వారికి ఏ చిన్న కష్టం వచ్చినా కంట్లో నీళ్లు వస్తుంటాయి. అలాంటి సమయంలో మీరు వారిని బుజ్జగించాలని, వారి తలపై చేతులను నిమురుతూ ఉండాలని, వారి భుజం తట్టి ధైర్యం చెప్పాలని కోరుకుంటారు.

ఆ కార్యం విషయంలో..

ఇక అన్నింటి కంటే ముఖ్యమైనది రతి క్రీడ. మీరు మీ భాగస్వామితో ఆ కార్యంలో పాల్గొనే సమయంలో ఎప్పుడూ ఒకే రకమైన యాంగిల్ లో ప్రయత్నిస్తే వారికి బోర్ కొడుతుందట. అందుకే అప్పుడప్పు కొన్ని యాంగిల్స్ మార్చాలని కోరుకుంటారట. అయితే ఇలాంటి విషయాలను వారు బయటకు చెప్పుకోరట. కాకపోతే కొన్ని హింట్స్ ఇస్తారట. దాన్ని బట్టే మనమే అర్థం చేసుకోవాలట.

తనను అర్థం చేసుకోవాలి..

చాలా మంది పురుషులు తమ భాగస్వామితో పడకగదిలో ఆ కార్యంలో పాల్గొన్న వెంటనే నిద్రలోకి జారుకుంటూ ఉంటారు. అయితే అలా చేయడాన్ని అమ్మాయిలు ఏ మాత్రం ఇష్టపడరట. ఎందుకంటే వారికి ఒకేసారి కాకుండా క్రమంగా ఆ స్థితిలోకి చేరుకుంటుంది. కాబట్టి ఇలాంటి విషయాల్లో తనను మీరు బాగా అర్థం చేసుకోవాలి.