‘‘అత్త కూతురు ఆ విషయంలో అడ్వాంటేజ్ తీసుకుంది... సారీ బావ అంటూ అందరి వద్ద నన్ను బుక్ చేసేసింది‘‘...

తను చిన్నది అని..

తను నీ కంటే చిన్నది కదా అని, అమ్మ, నాన్న అందరూ నన్నే బుజ్జగించే వారు. చేసేదేమీ లేక నేనే సర్దుకుపోయేవాడిని.

నా చేతనే మోయించేది..

ప్రతిరోజూ స్కూలుకు వెళ్లే సమయంలో కూడా తన బ్యాగును నాతోనే మోయించేది ఆ దొంగ మొహంది. ఆ బ్యాగులోనే బోలెడు పుస్తకాలుండేవి. అవి చాలా బరువుగా ఉండేవి. మోయలేక చచ్చేవాడిని.

ఓ సారి లవ్ లెటర్..

నేను తనను ఎంత అస్యహించుకున్నా అది మాత్రం నన్ను బాగానే ఇష్టపడేది. అయితే నన్ను ఎప్పుడు కూడా ఏదో ఒక రకంగా ఆట పట్టించేది. లేదా ఏడిపించేది. అలా నేను పదో తరగతి చదువుతున్న సమయంలోనే నాకు లవ్ లెటర్ ఇచ్చింది.

అప్పుడే మామయ్య ఎంట్రీ..

సరిగ్గా తను ఎప్పుడైతే లవ్ లెటర్ ఇచ్చిందో అప్పుడే మామయ్య ఎంట్రీ ఇచ్చాడు. ఈ వయసులో ఏంటి రా ఈ పనులు అని నన్ను నిలదీశాడు. నేను కాదు ఇచ్చింది నీ కూతురే ఈ లెటర్ ఇచ్చింది అని చెప్పేలోపే.. ఆ దొంగ మొహంది ప్లేటు ఫిరాయించింది.

ముందు నుయ్యి వెనుక గొయ్యి..

‘‘నాన్న నాకు బావనే లవ్ లెటర్ ఇచ్చాడు.. ప్రతిరోజూ ప్రేమ.. గిమ అంటూ ఏడిపిస్తున్నాడు‘‘ అని మామయ్యతో చెప్పేసింది. అంతే ఆ సమయంలో నా పరిస్థితి కాస్త ముందు నుయ్యి.. వెనుక గొయ్యిలా తయారైంది.

హాస్టల్లో చేర్పించారు...

అంతే ఆ సంఘటన తర్వాత నన్ను హాస్టల్లో చేర్పించారు. నేను ఊరు వదిలి హాస్టల్ కు వెళ్లే సమయంలో ‘‘సారీ బావ కేవలం నిన్ను ఆట పట్టిద్దామనే అలా చెప్పాను. కానీ ఇలా జరుగుతుందని అస్సలు అనుకోలేదు అని చెప్పింది‘‘. అయితే నాకు మాత్రం చాలా ఆనందం వేసింది.

ఆ దెయ్యం పీడ లేదనుకున్నా..

ఎందుకంటే నా మరదలి దెయ్యం పీడ ఇంక ఉండదు అని ఎంతగానో సంతోషపడ్డాను. ఆ తర్వాత తనను ఒక్కసారి కూడా చూడలేదు. దాంతో తనతో పెళ్లి అంటే ఊహించుకోవడమే కష్టంగా అనిపించింది.

అంతలోనే రైలొచ్చింది..

అలా ఊహించుకుంటూ ఉండగానే రైలు వచ్చేసింది. వెళ్లి రైలు డోర్ దగ్గర నిలబడ్డాను. రైలు మెల్లగా కదులుతోంది. అచ్చం సినిమాలో లాగానే సరిగ్గా ఆ సమయంలో అందమైన అమ్మాయి పరుగెడుతూ ప్లాట్ ఫామ్ మీదకు వచ్చింది. తనను చూస్తే అచ్చం నయనతార లాగా అనిపించింది.

నా కోసమే పుట్టిందా..

తనను చూస్తే నా కోసమే దివి నుండి దిగివచ్చిన తారలాగా అనిపించింది. నా దగ్గరికి రావాలి అని మనసులో అనుకుంటూ ఉండగానే హడావుడిగా వచ్చి హెల్ప్ చేయమని అడిగింది. తన బ్యాగును తీసుకుని తన చేతిలో నా చేయిని కలిపాను. తనను జాగ్రత్తగా రైలులోకి ఎక్కించాను.

ముచ్చట్లు కలిపాను..

తను ఎక్కడికి వెళ్లాలి.. తను ఏమి చేస్తుంది అనే వివరాలన్నీ అడిగాను. నా వివరాలు కూడా తనకు చెప్పాను. దీన్నే అడ్వాంటేజ్ గా తీసుకున్నాను. మీకు బాయ్ ఫ్రెండ్ ఉన్నాడా అడిగేశాను. వెంటనే తను లేదు అని సమాధానం ఇవ్వగా నా ఆనందానికి అవధుల్లేకుండా పోయింది.

పెళ్లి ప్రపోజల్ పెట్టా..

నా మరదలిపైన పగ తీర్చుకోవడానికి ఇదే సరైన సమయం అనుకున్నాను. వెంటనే ఏ మాత్రం ఆలస్యం చేయకుండా మీరు నాకు పిచ్చపిచ్చగా నచ్చేశారు. మీరు ఓకే అంటే ఇప్పుడే మా తల్లిదండ్రులతో, మీ వారితోనూ మాట్లాడతాను అని చెప్పాను. ఆరోజు నేను నక్క తోక తొక్కినట్టే ఉన్నాను. ఆ అమ్మాయి వెంటనే ఓకే చెప్పేసింది.

ఆవేశం.. ఆనందంతో..

ఫస్ట్ టైమ్ నా మరదలికి ఝలక్ ఇద్దామనుకున్నాను. నాలో నేను తెగ సంతోషడ్డాను. తనని తీసుకుని మా తల్లిదండ్రుల వద్దకు వెళ్లాను. నేను మీరు చెప్పిన పెళ్లి చేసుకోను. ఈ అమ్మాయినే చేసుకుంటాను అని ఆవేశంగా చెప్పాను. వారంతా ‘‘ఎవరు వద్దన్నారు మాకు కావాల్సింది కూడా అదేగా అన్నారు‘‘ అన్నారు.

మరి గీత సంగతి ఏంటి?

నేను అప్పుడే ఇలా అడిగాను. మరి గీత సంగతి ఏంటి అడిగాను? అప్పుడు వారి ఇచ్చిన సమాధానంతో నాకు దిమ్మ తిరిగిపోయింది. నువ్వు పెళ్లి చేసుకుంటోంది గీతనే అన్నాడు మా నాన్న.

మళ్లీ సారీ బావ..

‘‘మరోసారి నా మరదలు నాకు షాక్ ఇచ్చింది. ‘సారీ బావ నిన్ను ఆట పట్టిద్దామని అలా చేశాను అని చెప్పేసింది. అప్పుడే నాకు తత్వం బోధపడింది. నేను తీసుకున్న గోతిలో నేను పడ్డాను అని. మీరు గీసిన ‘గీత‘ ను నేనేప్పుడు దాటలేను అని మనసులో తిట్టుకున్నాను.