కరోనా కారణంగా మీ పెళ్లి వాయిదా పడితే కలత చెందకండి... ఈ పనులను చేయండి...

తదుపరి తేదీలు...

ఇది వరకే నిర్ణయించిన మూహుర్తానికీ, తేదీలలో పెళ్లి కాకపోతే, మీరు వెంటనే తరువాత మళ్లీ ఎప్పుడు మంచి ముహుర్తం ఎప్పుడు ఉందో తెలుసుకునేందుకు ప్రయత్నించండి. ఎందుకంటే ఈ కరోనా భూతం ఎంతకాలం ఉంటుందో ఎవ్వరికీ తెలియదు.

పూర్తిగా అన్ లాక్ అయితే...

ఒకవేళ కరోనా వైరస్ కు విరుగుడు కనిపెట్టి.. వ్యాక్సిన్ అందుబాటులోకి వచ్చి.. లాక్ డౌన్ ను పూర్తిగా ఎత్తివేస్తే, అలాంటి తేదీలలో ముహుర్త సమయంలో వివాహం చేసుకునేందుకు సిద్ధంగా ఉండండి.

ఫంక్షన్ హాల్స్ మరియు అలంకరణ..

మీరు మీ వివాహం కోసం ఇదివరకే ఫంక్షన్ హాల్స్ ను బుక్ చేసుకుని ఉంటే, మీరు వివాహ తేదీని వాయిదా వేసుకున్న విషయాన్ని వారికి తెలియజేయండి. మళ్లీ కొత్త ముహుర్తం పెట్టిన వెంటనే తెలియజేస్తామని సమాచారమివ్వండి. అలాగే డెకరేషన్ వారికి ఈ వివరాలను తెలియజేయ్యండి.

జ్యోతిష్యశాస్త్రం ప్రకారం, మీరు ఎలాంటి వివాహం చేసుకుంటారో మీకు తెలుసా?

అతిథులకు చెప్పండి...

వివాహం వంటి ముఖ్యమైన ఘట్టం కోసం ప్రతి ఒక్కరూ ఎంతో ఆసక్తిగా ఎదురుచూస్తున్నారని మాకు తెలుసు. మీరు మీ వివాహం గురించి ఇది వరకే పత్రికలు ప్రింటింగ్ చేయించి, వాటిని పంపిణీ చేసి ఉంటే, వెంటనే వారికి పెళ్లిని వాయిదా వేసిన విషయం గురించి వాట్సాప్ లేదా ఫోన్ ద్వారా తెలియజేయండి.

ఖర్చుల వివరాలు..

వివాహాన్ని వాయిదా వేయడం అనేది అంత సులభం కాదు. వివాహంలో వంటల మెనూ నుండి బట్టలు, నగలు, ఆభరణాలు గిఫ్ట్ ల వరకూ ఇలా ఎన్నింటి గురించో ఎక్కువగా లెక్కలేయాలి. అలాగే చాలా నష్టాన్ని కూడా భరించాల్సి ఉంటుంది. మీరు మరో కొత్త తేదీని మరియు ముహుర్తం పొందడం అనే విషయం కూడా అంత సులభమేమీ కాదు. అందుకే మరోసారి ఓపికగా కూర్చొని ఖర్చుల జాబితాను రూపొందించండి. దీని వల్ల నష్టం గురించి ఒక అవగాహన వస్తుంది.