Akshay Tritiya 2023: అక్షయ తృతీయ నాడు బంగారమే కాదు.. ఇవి కూడా కొనొచ్చట..!

బంగారం..

పురాణాల ప్రకారం, ‘అక్షయ' అంటే ఎప్పటికీ తరగనిది లేదా అనంతమైనది అని అర్థం. అందువల్ల అక్షయ తృతీయ రోజున బంగారం కొనడం శుభప్రదంగా భావిస్తారు. దీని వల్ల తమ సంపద మరియు శ్రేయస్సు పెరుగుతుందని చాలా మంది నమ్ముతారు. బంగారంతో పాటు ఎంతో విలువైనదిగా భావించే పసుపు లోహాన్ని కూడా కొనుగోలు చేస్తారు. ముఖ్యంగా ఎవరైతే కష్టపడి సంపాదించిన డబ్బును పెట్టుబడిగా పెట్టాలనుకుంటే.. దాన్ని బంగారం రూపంలో మార్చేస్తారట. ఈ సమయంలో బంగారం ఆభరణాలు, నాణేలు, గోల్డ్ ఎక్స్ఛేంజ్ ట్రేడెడ్ ఫండ్స్ (ఇటిఎఫ్)లో ఇతర రూపాలలో పెట్టుబడి పెట్టడం వంటివి చేస్తారట.

కొత్త వాహనం..

అక్షయ తృతీయ వంటి ఎంతో విశిష్టత కలిగిన రోజున కొత్త వాహనం కొనుగోలు చేసేందుకు శుభప్రదంగా భావిస్తారు. ఈరోజున కొనుగోలు చేసిన వాహనం దానికి గొప్ప దీర్ఘాయువును ఇస్తుందని చాలా మంది ప్రజలు నమ్ముతారు. అందుకే వ్యాపారులు కూడా ఈ సమయంలో కస్టమర్లను ఆకట్టుకునేందుకు అక్షయ తృతీయ రోజునే గొప్ప ఆఫర్లను, తగ్గింపును కూడా ప్రకటిస్తుంటారు.

కొత్త ఇల్లు, స్థలం..

అక్షయ తృతీయ రోజున చాలా మంది బంగారం కొనడం, వాహనం కొనడం వంటివే కాదు.. ఇల్లు, స్థలం వంటివి కూడా కొనొచ్చట. ఈ సమయంలో రియల్ ఎస్టేట్ బిల్డర్లు కూడా గొప్ప తగ్గింపును అందిస్తారు. ఈ సమయంలో కొత్త ఇల్లు కొనడం లేదా కొత్త ఇంట్లో ప్రవేశించడం వంటివి చేయాలని చాలా మంది ఎదురుచూస్తారట. దీని వల్ల తమకు ఎంతో లక్కీ కలిసి వస్తుందని చాలా మంది విశ్వాసం.

పెట్టుబడులు పెట్టడం..

పైన చెప్పినట్టుగా, అక్షయ తృతీయ వంటి పవిత్రమైన రోజున తల్లిదండ్రులు పిల్లల ఉజ్వల భవిష్యత్తు కోసం మెరుగైన ఆర్థిక భద్రత కోసం మీ పిల్లల విద్యా ప్రణాళికలను ప్రారంభించేందుకు గొప్ప రోజుగా పరిగణిస్తారు. ఈరోజున చిన్నారులతో విద్యాభ్యాసం ప్రారంభిస్తే కూడా ఎంతో శుభప్రదమని భావిస్తారు.

దానం చేయడం..

శ్రీ నారద పురాణం ప్రకారం, అక్షయ తృతీయ రోజున దాన ధర్మాలు చేయడం వల్ల అత్యధిక ఫలితాలొస్తాయట. ఈరోజున దానం, ధర్మం చేయడం వల్ల అక్షయ ఫలితం వస్తుందట. ఈరోజున దానం చేయడం వల్ల సర్వకామ సమన్వితుడై, బంగారం, రత్నాతో కూడిన కల్పకోటి సహస్రముల కాలం, బ్రహ్మలోకం విరాజిల్లునట. స్వర్గంలో ఉన్న పిత్రుదేవతలకు కూడా మోక్షం చేకూర్చినవారవుతారు. ఇలాంటి పుణ్యఫలాలెన్నో ఈ పవిత్రమైన రోజున కలుగుతాయి అని శాస్త్రాలు చెబుతున్నాయి.