కార్తీక మాసం 2025 ముఖ్య తేదీలు, ఆచారాలు..ఈ విషయాలు పాటిస్తేనే శివుడి అనుగ్రహం ఖాయం!

హిందూ ధర్మంలో కార్తీక మాసం అత్యంత పవిత్రమైన నెలగా పరిగణించబడుతుంది. ఈ నెలలో భక్తులు ఉపవాసాలు, దీపదానం పూజలు, ధానధర్మాలు చేసి శివుడు, విష్ణువు అనుగ్రహం పొందేందుకు ప్రయత్నిస్తారు. కాశీ,హరిద్వార్, రామేశ్వరం వంటి పుణ్య క్షేత్రాల్లో స్నానం, దీపారాధన చేయడం వల్ల పాపాలు నశించి పుణ్యం లభిస్తుందని భక్తుల నమ్మకం. ప్రత్యేకంగా దీపధానం చేయడం వల్ల కుటుంబ శాంతి,ఆర్థిక అభివృద్ధి, ఆయురారోగ్యాలు కలుగుతాయని విశ్వాసం.

ఈ మాసంలో భక్తులు కార్తీక స్నానం చేసి శివాలయాన్ని దర్శిస్తే శివుడి కృప లభించి అన్ని దుఖాలు తొలగిపోతాయని పురాణాలు చెబుతున్నారు. అలాగే దానధర్మాలు ఈ మాసంలో చేసినప్పుడు అనేక పుణ్యఫలాలు ఇస్తుందని, కార్తీకమాసం ఆధ్యాత్మిక శుద్ది, భక్తి, పుణ్యాన్ని అందించే మాసమని భావిస్తారు. ఈ ఏడాది కార్తీక మాసం ఎప్పుడు ప్రారంభవుతుంది,ముఖ్య తేదీలు, పాటించాల్సిన ఆచారాలు, ఏం తినాలి ఏం తినకూడదు, పఠించాల్సిన ముఖ్యమైన మంత్రాలు వంటి ముఖ్య విషయాలను ఇక్కడ చూడండి.

2025 కార్తీక మాసం ముఖ్యమైన తేదీలు

తెలుగు క్యాలెండర్ ప్రకారం ఈ ఏడాది అక్టోబర్ 22 నుంచి కార్తీక మాసం ప్రారంభమవుతుండగా..నవంబర్ 20,2025న ముగుస్తుంది. నవంబర్ 5న కార్తీక పౌర్ణమి..నవంబర్ 21న పోలి పాడ్యమి ఉంటుంది.

కార్తీక సోమవారాలు
మొదటి సోమవారం: అక్టోబర్ 27
రెండో సోమవారం: నవంబర్ 3
మూడవ సోమవారం: నవంబర్ 10
నాల్గవ సోమవారం: నవంబర్ 17

కార్తీక మాసంలో పాటించాల్సిన ముఖ్యమైన ఆచారాలు

-బ్రహ్మముహూర్తంలో నిద్ర లేవాలి.

-ఇంట్లో తులసి ఆకులు లేదా నువ్వులు కలిపిన నీటితో స్నానం చేయాలి. వీలైతే మొదటి రోజు గంగా, యమునా, గోదావరి లేదా కృష్ణ వంటి పవిత్ర నదులలో స్నానం చేయడం చాలా పుణ్యప్రదం.

-ఇంట్లో, తులసి మొక్క దగ్గర నెయ్యి లేదా నువ్వుల నూనెతో దీపాలు వెలిగించండి.

-పూజలు, ప్రార్థనలు చేయండి. విష్ణువు, శివాలయాలను సందర్శించండి

-మంత్రాలు లేదా భజనలు జపించండి.

-సూర్యాస్తమయ సమయంలో దీపాలు వెలిగించండి (సంధ్య దీపం),ఆరతి చేయండి.

-సూర్యాస్తమయం తర్వాత వెంటనే నిద్రపోకండి.

-తినడానికి ముందు దేవునికి ఆహారం సమర్పించండి.

కార్తీక మాసంలో తినవలసిన ఫుడ్స్
పండ్లు, పాల ఉత్పత్తులు
సగ్గుబియ్యం
గింజలు, ఎండిన పండ్లు
వేరు కూరగాయలు (పాక్షిక ఉపవాసాల సమయంలో)

కార్తీక మాసంలో నివారించాల్సిన ఆహారాలు
-మాంసాహారం
-ఉల్లిపాయ, వెల్లుల్లి
-మద్యం, పొగాకు
-అధికమైన కారంగా లేదా వేయించిన ఆహారాలు

కార్తీక మాసంలో తులసి మొక్కకు ప్రత్యేక పూజలు

-తులసి మొక్క చుట్టూ ఉన్న ప్రాంతాన్ని శుభ్రం చేయండి.
-నీరు, పువ్వులు, ధూపం అర్పించండి
-మంత్రాలు జపిస్తూ తులసి మొక్క చుట్టూ ప్రదక్షిణ చేయండి.
-ఆదివారాలు, ద్వాదశి రోజుల్లో తులసి ఆకులు కోయకూడదని గుర్తుంచుకోండి.

ముఖ్యమైన మంత్రాలు

-విష్ణు మంత్రం.."ఓం నమో నారాయణాయ".

-శివ మంత్రం.."ఓం నమః శివాయ".

దానధర్మాలు

-పేదలకు ఆహారం దానం చేయడం
-పేదలకు బట్టలు ఇవ్వడం.
-దేవాలయాలకు దీపాలు సమర్పించడం
-బ్రాహ్మణులకు, వృద్ధులకు ఆహారం పెట్టడం వంటివి చేయడం మంచిదని పండితులు సూచిస్తున్నారు.