హిందువులు పండుగ సందర్భాలలో రంగవల్లులు ఎందుకు వేస్తారు?

Spirituality

oi-Saraswathi

By Sindhu

Updated: Monday, October 20, 2014, 10:26 [IST]

మీరు దక్షిణ భారత ప్రాంతంలో ఉండి ఉంటే అప్పుడు మీకు ప్రతి ఉదయం లోగిళ్ళ ముందు వేసే అందమైన రంగవల్లికల గురించి తెలిసి ఉంటుంది. ఆ పై దాదాపు ఇంచుమించు ప్రతి హిందూ పండుగకు వివిధ రంగులు లేదా పూలతో అలంకరించిన గేట్ల ముందు ఈ అందమైన రంగవల్లికలను చూస్తారు. ఈ రంగవల్లికలను భారతదేశం వివిధ ప్రాంతాల్లో వివిధ పేర్లతో పిలుస్తారు.

ఈ అందమైన రంగవల్లికలను రంగోలి లేదా ముగ్గు లేదా పూకళం లేదా అల్పన అని పిలుస్తారు. ప్రతి ప్రాంతానికి చెందిన తనదైన శైలిలో రంగోలీ గీయడం ప్రత్యేకత. కేరళ ప్రజలు పూకళం అని పిలిచే ఈ రంగవల్లికలను పువ్వులతో మరియు ఆకులతో వేస్తారు. పశ్చిమ బెంగాల్లో, అల్పన అని పిలిచే ఈ రంగవల్లికలను రుబ్బిన బియ్యపు పిండితో వేస్తారు. దక్షిణ భారతదేశంలో ఎక్కువ ప్రాంతాల్లో ఇదే విధంగా ముగ్గును బియ్యపు పిండితో వేస్తారు.. ముగ్గును వేసే ఉద్దేశ్యం మాత్రం భిన్నసంస్కృతులు ఎన్ని ఉన్నా ఒక్కటే.

రంగోలీ అదృష్టాన్ని తెస్తుందని ఒక నమ్మకం. గృహంలోకి దేవతలను ఆహ్వానించటానికి గుర్తుగా కూడా చెపుతారు. రంగోలి వేయటానికి సాధారణంగా పొడి లేదా తడి బియ్యం వాడతారు మరియు తరువాత పసుపు లేదా కుంకుమతో అలంకరిస్తారు. 'రంగోలి' అన్నది ఒక సంస్కృత పదం, రంగుల ద్వారా కళ యొక్క సృజనాత్మకతను వ్యక్తీకరించే ఒక సంస్కృత పదం. అందమైన ముగ్గులు కళగా ఏర్పడటానికి, సరిగా నేలపై చీపురుతో శుభ్రం చేసి, శుభ్రంచేసిన నేలపై వైబ్రంట్ రంగోలీ రంగులను ఉపయోగించి శ్రద్ధగ వేయాలి.
సాంప్రదాయకంగా రంగోలీ ఉత్తర భారతదేశం లో ఒక చదరపు గ్రిడ్ పైన మరియు దక్షిణ భారతదేశం లో ఒక షట్కోణ గ్రిడ్ పైన మరియు ఓనం రంగోలి సాధారణంగా వృత్తాకారంగా వేస్తారు. రంగోలి వేయటానికి ఉపయోగించే పదార్థం కూడా వివిధరకాలుగా ఉంటుంది. ఉత్తర భారతదేశంలో జిప్సం (చిరోడి) రంగు ఆధారంగా, దక్షిణ భారతదేశంలో బియ్యపు పిండి ఆధారంగా మరియు ఓనం రంగోలి సాధారణంగా పువ్వుల ఆధారంగా వేస్తారు.
ఇతిహాసాల ప్రకారం, ఒకానొకప్పుడు ఒక రాజు తన కుమారుడిని కోల్పోయాడు. కాబట్టి, ఆ రాజు బ్రహ్మదేవుడిని తన కుమారుడిని బ్రతికించమని ప్రార్ధించాడు. దీర్ఘ తపస్సు తరువాత, బ్రహ్మదేవుడు బాలుడిని బ్రతికించటానికి అంగీకరించాడు. బ్రహ్మదేవుడు నేలపైన బియ్యపు ముద్దతో రాకుమారుడు యొక్క బొమ్మను గీయమని రాజుని అడిగాడు. అప్పుడు బ్రహ్మదేవుడు తిరిగి రాకుమారుడికి జీవం పోస్తానని చెప్పాడు. ఆ సమయం నుండి, రంగోలీ అన్నది జీవితం, అదృష్టం మరియు శ్రేయస్సు యొక్క చిహ్నంగా ఉనికిలోకి వచ్చింది.
రంగవల్లులు, పురాతన కాలంనాటి ప్రధాన అలంకరణలలో ఒకటి. కానీ ఈ ఆధునిక కాలంలో కూడా వాటి ఆకర్షణ తగ్గిపోలేదు. ఈ సంప్రదాయ అలంకారాలైన రంగవల్లులను ఇప్పటికీ భారతదేశంలో వివిధ పండుగలు మరియు వివాహాలు, జన్మదిన వేడుకల వంటి ప్రత్యేక సందర్భాలలో అందంగా వేస్తుంటారు. మరియు. సహజ రంగులకు బదులు కావలసిన ప్రభావం రావటానికి రసాయన రంగులతో భర్తీ చేస్తున్నారు. అయినప్పటికీ ఈ రంగవల్లుల కళ అనేక రూపాల్లో దేశవ్యాప్తంగా విపరీతమైన ప్రజాదరణ పొందింది.