హాయిగా నిద్రపట్టాలంటే..?

గోరు వెచ్చని పాలు తాగాలి. పాలలో ట్రిప్టోఫ్యాన్ అనే అమైనో ఆసిడ్ ఉంటుంది. దాని వల్ల బాగా నిద్ర పడుతుంది. నిద్రకు ముందు పుస్తకాలు చదవడం వంటివి చేయకూడదు. పుస్తకం చదువుతూ ఉంటే అలా మనకు తెలికుండానే నిద్రపడుతుందని చాలా మంది అనుకుంటారు. కానీ... నిజానికి దృష్టి పూర్తిగా చదవడంలో నిమగ్నమైపోతే నిద్రకు దూరమయ్యే అవకాశం ఎక్కువ. నిద్రకు ముందు ఆల్కహాల్ అస్సలు తీసుకోకూడదు. కొందరిలో ఆల్కహాల్ నిద్ర పట్టడానికి దోహదం చేసినా అది గాఢనిద్ర దశలోకి వెళ్లనివ్వదు. దాంతో నిద్రలేచాక రిఫ్రెషింగ్ ఫీలింగ్ ఉండదు. అందుకే మద్యం తాగాక నిద్ర నుంచి మెలకువ వచ్చినా నేచురల్ స్లీప్‌లోలా అలసటంతా తీరిపోయిన రిఫ్రెషింగ్ ఫీలింగ్ ఉండదు.

భోజనానికి నిద్రకు కనీసం 2 గంటల వ్యవధి పాటించాలి. భో్జనం చేసిన తరువాత కొంత దూరం తప్పనిసరిగా నడిచి ఆ తరువాత కూర్చోవాలి. నడకను పక్కనపెట్టడం వల్ల పొట్టపెరుగుతుంది. రాత్రి సాధ్యమైనంత వరకు పెందలాడే తినాలి. సులభంగా అరిగే ఆహార పదర్ధాలను భుజించటం వల్ల జీర్ణ వ్యవస్థ సమర్ధవంతంగా పని చేస్తుంది. భోజనం అనంతరం పండ్లు తినే అలవాటున్నవారు, భోజనానికి రెండు గంటల ముందుగాని, రెండు గంటల తరవాతగాని ఈ ప్రక్రియకు పూనుకోవాల్సి ఉంటుంది.