రతి సామర్ధ్యాన్ని పెంచే ‘మునగ ’..?

Published: Wednesday, November 16, 2011, 18:21 [IST]

'ప్రకృతిలో లభ్యమవుతున్న సహజసిద్ధ సంపద మానవ జాతి మనుగడకు ఎంతగానో తోడ్పడుతుంది. ఆకుకూరలు, కూరగాయలు, పండ్లు, చెట్లు, పువ్వులు. దినుసులు, సుగంధ ద్రవ్యాలు ఆహారం రూపంలో మానవ శరీరానికి శక్తిని, సౌందర్యాన్ని ప్రసాదిస్తున్నాయి. సృష్టిలో లభ్యమవుతున్న సహజ సంపదను తగిన విధంగా వినియోగించుకునే నేర్పును మనిషి సంపాదించాడు'

మునగ చెట్టు మనందరికి సుపరిచితమే. పెరట్లో విరివిగా దర్శనమిచ్చే మునగ చెట్లు ఇసుకు నేలలో అధికంగా పెరుగుతాయి. మునగ చెట్టు నుంచి లభ్యమయ్యే, కాయలు, ఆకులు, పువ్వులు చక్కటి ఆరోగ్యానికి దోహద పడతాయి. మునగ కాయలు, ఆకులు, పువ్వులు, కాండం అన్నిటిలోనూ, ఔషధగుణాలు అధికంగా ఉండడం చేత వీటిని అధికంగా వైద్యంలో ఉపయోగిస్తున్నారు. మునగలో విటమిన్‌ సి, విటమిన్‌ ఎ, కాల్షియం పుష్కలంగా లభ్యమౌతాయి. నిత్య జీవితంలో మనం ఎదుర్కొనే కొన్ని వందల రుగ్మతల్ని పోగొట్టే శక్తి మునగలో ఉంది.

సెక్స్ పటుత్వం తగ్గినట్లు అనిపించిన దంపతులు పాలలో మునగ పువ్వులు కలుపుకుని తాగితే సామర్ద్యం రెట్టింపై రతి క్రీడ రంజుగా ఉంటుందని ఆయుర్వేద అధ్యయనాలు వెల్లడిస్తున్నాయి.