రోజంతా కూర్చునే ఉంటే క్యాన్సరే..?

Body Care

oi-Sivanjaneyulu

By Sivanjaneyulu Bommu

Published: Saturday, November 5, 2011, 12:04 [IST]

టీవీల ముందు.. ఆఫీసుల్లో రోజంతా కూర్చుని ఉండే వారికి క్యాన్సర్ వచ్చే ప్రమాదముందని కెనాడాకు చెందిన పరిశోధకులు హెచ్చరిస్తున్నారు. ఎలాంటి శారీరక శ్రమ లేకండా కూర్చుని ఉండటం వల్ల శరీరంలో కణాల వృద్ధి నియంత్రణ లేకుండా జరుగుతుందట, ఇది క్రమ క్రమంగా కేన్సర్ కు దారి తీస్తుందని 'అల్బెర్టా హెల్త్ సర్వీసెస్ కేన్సర్ కేర్' సంస్ధ తన తాజా అధ్యయనంలో నిగ్గుతేల్చింది.

సరైన శారీరక శ్రమ లేకపోవడంతో ఏటా 92 వేల మంది మహిళలు రొమ్ము, పెద్దపేగు కేన్సర్ల బారిన పడుతున్నారని అధ్యయనకర్తలు హెచ్చరిస్తున్నారు. రోజు కొద్ది సేపు నడక వంటి వ్యాయయం చేయ్యటం వల్ల క్యాన్సర్ వచ్చే ముప్పు 30శాతం వరకు తక్కువుగా ఉంటుందని వీరు సూచిస్తున్నారు. కూర్చుని పనిచేసే వారు ప్రతి గంటకు కనీసం రెండు నిమిషాలైనా విరామం తీసుకోవాలట.

ఈ పరిశోధనకు సంబంధించిన వివరాలు 'డెయిలీ మెయిల్ పత్రిక'లో ప్రచురితమయ్యాయి.