చేతి వేళ్ళ గోళ్ళు అందంగా కనిపించాలంటే.....

Published: Friday, February 3, 2012, 17:05 [IST]

How to maintain Healthy and Natural Nails

చాలామంది మహిళలు గోళ్ళు పెంచుకోవడంలో చాలా శ్రద్ద వహిస్తారు. అయితే అందరికీ గోళ్ళు ఒకేరకంగా పెరగవు. ఒక్కోక్కరికి ఒక్కోరకంగా పెరుగుతాయి. వాటి పెరుగుదల బట్టి గోళ్ళను కావలసిన ఆకారంలో షేప్ చేసుకోవాలి. మహిళలు అందమైన గోళ్ళ కోసం బ్యూటీ పార్లలను ఆశ్రయిస్తుంటారు. మరికొందరు ఇంట్లోనే ఏవేవో నియమాలు పాటిస్తుంటారు. అలాంటి వారికోసం కొన్ని చిట్కాలు....

1. నెయిల్ పాలీష్ వేసుకోకుండా గోళ్ళను స్వేచ్ఛగా వుంచి గాలిని తగలనివ్వాలి. గోళ్ళకు రంగు వేసుకున్నాక ఫైన పొరలా జిగురును వేసుకోవాలి. నెయిల్ పాలిష్ రిమూవర్ ను 15 రోజులకోసారి వాడాలి.లేకపోతే గోళ్ళు పెళుసుగా మారి దెబ్బతింటాయి.
2. చేతులు కడిగిన ప్రతిసారి మోచేతుల నుంచి గోళ్ళ చివర్ల వరకు నీళ్ళలో శుభ్రం చేయాలి. ఇంటి పనులు పూర్తి చేసిన తరువాత చేతులు తుడుచుకుని మాయిశ్చరైజర్ రాయాలి. నీళ్ళలో ఎక్కువ సమయం పనిచేయాల్సినప్పుడు చేతులకు గ్లవుజులు ధరించాలి.
3. వీలైనప్పుడు గోళ్ళకు నూనెతో మసాజ్ చేస్తే గోళ్ళు బలంగా ధృఢంగా వుంటాయి. రోజు మార్చి రోజు గోళ్ళకు కొబ్బరి నూనె లేదా ఆముదం రాస్తే ఆరోగ్యంగా ఉంటాయి.
4. మృదువైన బ్రష్ తో గోళ్ళలోని మట్టి, క్రిములు శుభ్రం చేసుకోవాలి. గోళ్లను శుభ్రం చేయటానిరి నెయిల్ బ్రెష్‌ గాని ఆరంజ్‌ స్టిక్ గాని వాడాలి
5. గోళ్ళు బాగా పెరగాలంటే సి విటమిన్‌ సంబంధించిన ఆహార పదార్ధాలు తీసుకోవాలి. కాల్షియం, విటమ్-ఎ వుండే ఆహారాన్ని ఎక్కువగా తీసుకోవాలి.