గర్భవతుల దుస్తుల సౌకర్యం....

Body Care

oi-Saraswathi

By Sindhu

Published: Wednesday, February 29, 2012, 11:57 [IST]

ప్రస్తుత కాలంలో గర్భిణి తీసుకోవాల్సిన జాగ్రత్తల పట్ల మనకు ప్రాథమిక అవగాహన ఉందనే చెప్పాలి. ప్రస్తుతం ఉన్న ట్రెండ్ లో క్రమం తప్పకుండా డాక్టర్ చెకప్‌ లు, మందుల వాడకం, వ్యాయామం, పోషకాహారం, వేళకు ఆహారం, తగినంత నిద్ర... వంటి జాగ్రత్తలకు దుస్తుల ఎంపిక కూడా తోడయ్యింది. మారుతున్న శరీరాకృతికి చీర వంటి సంప్రదాయ దుస్తులు అమరినంత సౌకర్యంగా మోడరన్ డ్రస్‌ లు అమరవు. ఇందుకోసం డ్రస్ డిజైనర్‌ లు గర్భిణీల కోసం ఫ్యాషనబుల్ మోడల్స్‌ ను డిజైన్ చేస్తున్నారు. అయితే ఈ ఫ్యాషనబుల్ డ్రస్ మోడరన్ లుక్‌ తోపాటు సౌకర్యంగా ఉండడానికి కొన్ని జాగ్రత్తలు తీసుకొంటే మంచిది. తొలి మూడు నెలల్లో డ్రస్ విషయంలో ప్రత్యేక జాగ్రత్తలేమీ అక్కరలేదు. ఏ రకమైనటువంటి డ్రస్ ఐనా సరే సౌకర్యవంతంగా ఉంటుంది.

నాలుగవ నెల నుండి ఆరవ నెలవరకూ (సెకండ్ ట్రైమిస్టర్) పొట్ట ఒత్తిడికి లోనవుతుంది. పెరుగుతున్న బరువు, పొట్ట సైజు, శరీరాకృతి, వాతావరణాన్ని దృష్టిలో పెట్టుకుని... ఉలెన్, కాటన్ దుస్తులు వేసుకోవచ్చు. సౌకర్యంగా అనిపించిన సైజును వెంటనే తీసుకోకుండా, దానికంటే ఒక నంబరు పెద్దది తీసుకోవాలి ఈ సమయంలో చెమటలు ఎక్కువ. కాబట్టి దుస్తులు వదులుగా ఉండాలి. నెలలు పెరిగేకొద్దీ దుస్తులు బిగుతుగా అవుతాయి, వాటి వల్ల దేహం నొక్కుకుపోయి గుంతలు, మచ్చలు పడతాయి. కాబట్టి దేహం సైజ్ మారిన వెంటనే పెద్దవి తీసుకోవాలి. అలాగని ఎక్కువ తీసుకుంటే ప్రసవం తర్వాత మూడు నెలలకు దేహం యధాస్థితికి వచ్చేస్తుంది కాబట్టి తర్వాత అవి వృథా అవుతాయి.

కాబట్టి ఒక్కో సైజువి రోజువారీ వాడుకకు తగినట్లు కొంటే చాలు ప్యాంటు, స్కర్టులు (బటన్, హుక్ లేకుండా) ఎలాస్టిక్‌ వి తీసుకోవాలి. టీషర్టులు, షార్ట్ కుర్తాలను మానేసి లాంగ్ కుర్తాలను వేసుకొంటే పొట్టను కవర్ చేస్తాయి. వదులుగా ఏదైనా సరే వదులుగా ఉండాలి. మరో ప్రాణి రూపుదిద్దుకుంటున్న క్రమంలో మీరు తీసుకుంటున్న జాగ్రత్తలు ఇవన్నీ. కాబట్టి వదులు దుస్తులతో లావుగా కనబడతారన్న బిడియం అసలే వద్దు లోదుస్తులు తరచుగా మార్చాలి. కొందరికి సింథటిక్ అలర్జీ ఉంటుంది. దానిని గమనించి కాటన్ లేదా మెత్తని ఫ్యాబ్రిక్ లోదుస్తులైనా వాడాలి ఈ సమయంలో పాదాలు, మడమల మీద ఒత్తిడి ఎక్కువవుతుంది. కాబట్టి హైహీల్స్ మానేసి ఫ్లాట్‌ గా, మెత్తగా, పాదానికి అనువుగా ఉండే పాదరక్షలను వాడాలి ప్లెయిన్ టాప్ వేసుకుంటే దేహంలో మార్పు స్పష్టంగా కనిపిస్తుంది. ప్రింట్స్ ఉన్న టాప్, సైడ్స్ ప్యాచ్ అటాచ్ చేసినవి అయితే చూపరుల దృష్టి డిజైన్ మీద పడుతుంది.