మహిళల్లో ముఖం మీద వెంట్రుకల నివారణకు...

Published: Monday, January 2, 2012, 16:13 [IST]

కొందరి శరీరంలో కొన్ని అవలక్షణాలు కనిపిస్తుంటాయి. ఈ లక్షణాలన్నీ అనారోగ్యానికి చెందినవి కాకపోవచ్చు. ఈ లక్షణాలు అకారణంగా ఉన్నా, చాలా కాలంగా బాధిస్తున్నా, వీటితో పాటు ఇతరత్రా ఆరోగ్య సమస్యలు బాధిస్తున్నా, ఈ లక్షణాల వల్ల దైనందిక జీవితం కష్టమవుతున్నా వెంటనే వైద్యుల సలహా తీసుకోవలసిన అవసరం ఉంది. అయితే చిన్న చిన్న సమస్యలను మనం ఇంట్లోనే తగ్గించుకోవచ్చు.. ఉదాహరణకు ముఖంపై ముడుతలు, అవాంచిత రోమాల నివారణకు క్రింది సలహాలు..

గోధుమపిండి, పసుపు సమానంగా తీసుకుని అందులో సెసమ్ ఆయిల్ వేసి కలిపి ముఖానికి పట్టిస్తే కనుబొమ్మల మధ్య, గడ్డం, చెంపల మీద, పెదవుల మీద ఉన్న వెంట్రుకలు రాలిపోతాయి. పచ్చి పాలలో పచ్చి పసుపు కలిపి ముఖానికి రాసుకుంటే ముఖం మృదువుగా తయారవుతుంది, ఎండలో తిరగడం వలన నల్ల బడిన చర్మం తిరిగి తెల్లబడుతుంది. అంతేకాక ఇందులో పసుపు ఉండడం వలన ముఖం పై ఉండే అవాంచిత రోమాలను ఇది తొలగిస్తుంది.

కోడి గుడ్డు సొన తీసుకుని అందులో తేనె కలిపి బాగా గిలకొట్టాలి. తరువాత ఈ మిశ్రమాన్ని ముఖానికి పట్టిస్తే ముఖం మృదువుగా తయారవడమేకాక క్రమంగా ముఖం పై ఉన్న ముడతలూ తగ్గుతాయి. టొమాటో రసం, పెరుగు సమానంగా తీసుకుని అందులో కొంచెం బార్లీ పొడి కలిపి ముఖానికి ప్యాక్ వేసుకుంటే ముఖం మృదువుగా, కాంతివంతంగా ఉంటుంది. ముఖం మీద ముడతలు ఎక్కువుగా ఉంటే కొంచెం క్యాబేజి రసం తీసుకుని అందులో ఒక టీస్పూన్ తేనె కలిపి ముఖానికి రాస్తూ ఉండాలి.