మెంతులతో జుట్టు రాలటాన్ని అరికట్టండి!

By B N Sharma

Published: Wednesday, September 14, 2011, 16:46 [IST]

నేటి రోజులలో జుట్టు రాలటమనే సమస్యను మహిళలు సైతం ఎదుర్కొంటున్నారు. 40 ఏళ్లు పైబడితే చాలు బట్టతల వచ్చేస్తోంది. దీనికి కారణం ఒత్తిడి. ఒత్తిడిని సహజమైన ఔషధమూలికలు తప్ప వేరేవీ తగ్గించలేవు. అదికూడా ఏ మాత్రం అధిక వ్యయం లేకుండానే తగ్గిస్తాయి. వాటిలో ఒకటి మెంతులు. మెంతులు తలపై భాగాన వున్న వేడిని తగ్గిస్తాయి. చుండ్రు నివారిస్తాయి, వెంట్రుకలను బిరుసుగా వుంచుతాయి. కళ్ళకు, మెదడుకు చల్లదనాన్ని కలిగిస్తాయి. వీటిని ఏ రకంగా ఉపయోగించాలో, వాటి ప్రయోజనాలేమిటో చూద్దాం!

ప్రయోజనాలు-
1. బట్టతలను, జుట్టు బలహీనతను, రాలటాన్ని అరికట్టటం చేస్తుంది. ఉడికించిన మెంతులను చక్కని పేస్ట్ లా చేయండి. ఆ పేస్టును జుట్టు కుదుళ్ళకు రాయండి. జుట్టుకు కావలసిన నికోటినిక్ యాసిడ్, ప్రొటీన్లను ఇది అందిస్తుంది.
2. మెంతి లోని లెసిధిన్ పొడిబారిన జుట్టును బలం చేస్తుంది. మరల జుట్టు వచ్చేట్లుగా కూడా చేస్తుంది.

ఎలా తయారు చేయాలి?
1. మెంతి గింజలను వేడి కొబ్బరినూనెలో ఒక రాత్రంతా నానపెట్టండి. మెత్తగా చేయండి. మరుసటి రోజు దానిని కొబ్బరి నూనెలో కలిపి జుట్టు కుదుళ్ళకు పట్టించి 5 నుండి 10 నిమిషాలు వుంచి తర్వాత వేడినీటితో కడగండి.
2. మెంతులను రాత్రంతా నీటిలో నానపెట్టండి. పెరుగు కలిపి జుట్టుకు, తలభాగానికి పట్టించండి. ఒక గంట తర్వాత నీటితో కడిగేయండి. దీనితో చుండ్రు, ఇతర జుట్టు సమస్యలు తీరతాయి.
3. మెంతిగింజలను షూఫ్లవర్ తో కలిపి మెత్తగా నూరిన పొడిని జుట్టుకు మాడుకు పట్టించి చల్లబరచుకోండి. జుట్టు రాలటం సమస్య తగ్గుతుంది.

ఈ రకంగా మన ఇంట్లోనే రెడీగా వున్న మెంతులతో సహజంగా మీ జుట్టు సమస్యలను నివారించుకోవచ్చు.