చుండ్రు, జుట్టు రాలడం, బట్టతలను నివారించే 10 భారతీయ నూనెలు..!

ఆమ్లా ఆయిల్(ఉసిరి నూనె): జుట్టు పోషణకు ఆమ్లా ఆయిల్ చాలా అద్భుతంగా సహాయపడుతుంది. ఆమ్లా ఆయిల్ ను తలకు మసాజ్ చేయడం వల్ల జుట్టుకు తగినంత పోషణ అందివ్వడంతో పాటు మంచి నేచురల్ కండీషనర్ గా పనిచేస్తుంది.

మందార నూనెలు: హైబిస్కస్ హెయిర్ ఆయిల్ కేశాలకు మంచి రంగును అందించడంతో పాటు కేశాలకు ఒక చక్కటి ఆక్రుతిని ఏర్పరుస్తుంది. కొన్ని సార్లు ఎండ వేడికి, ఎండలో ఎక్కువగా తిరగడం వల్ల, దుమ్మ దూళి వల్ల చాలా అసహ్యాంగా బ్రౌన్ కలర్ లో కనబడుతుంది. అందుకు హైబిస్కస్ ఆయిల్ ను ఉపయోగించడం వల్ల హెల్తీ హెయిర్ మరియు బ్లాక్ హెయిర్ తిరిగి పొందవచ్చు . కేశాలు రంగు మారడాన్ని నిరోధించవచ్చు.

కొబ్బరి నూనె: మన భారత దేశంలో చాలా వరకూ కేశ సంరక్షణకు ఉపయోగించే నూనెలో కొబ్బరి నూనె ప్రధానమైనది. కొబ్బరి నూనెలోని ఓమేగా 3 యాసిడ్స్ హెయిర్ రూట్స్ కు చక్కటి పోషణను అందిస్తుంది. అంతే కాదు జుట్టు మందంగా మరియు వేగవంతంగా పెరుగడానికి సహాయపడుతుంది.

బాదాం నూనె: బాదాం నూనెలో విటమిన్ ఇ పుష్కలంగా ఉండటం వల్ల హెయిర్ గ్రోత్ కు బాగా సహాయపడుతుంది. ఇది కూడా కొబ్బరి మరియు ఆమ్లా నూనెలు మాదిరే ఉంటుంది. అతి త్వరగా జుట్టు పెరగాలనుకొనే వారు బాదాం నూనెను ప్రతి రోజూ తలకు పట్టించాలి.

బ్రహ్మి ఆయిల్: బ్రహ్మి ఆయిల్లో జుట్టుకు మరియు శరీర సంరక్షణకు ఉపయోగపడే బహుళ ప్రయోజనాలున్నాయి. బ్రహ్మి ఆయిల్ తో తలకు మసాజ్ చేయడం వల్ల జుట్టు మూలాలలకు మరియు తల మాడుకు చల్లదనాన్ని ఇస్తుంది . అంతే కాదు ఇది చుండ్రును తొలగించడానికి ఉపయోగపడుతుంది . ఇంకా బ్రహ్మి ఆయిల్ బ్రెయిన్ ఫంక్షన్స్ కు మరియు మెమరీ బాగుంటుంది.

బ్రింగ్ రాజ్(Bhringraj Oil): ఈ నూనె చాలా శక్తివంతమైన జుట్టు పెరుగుదలకు సహాయపడే మూలికా నూనె. అంతే కాదు ఇది జుట్టు పెరగడానికి మరియు బట్టతల వస్తున్నా ఈ నూనె సహాయపడుతుంది. బట్టతల లక్షణాలు కనబడుతున్నట్లైతే కొన్ని చుక్కల బ్రింగ్ రాజ్ ఆయిల్ తో తలకు తరచూ మసాజ్ చేయండి.

హెన్నా హెయిర్ ఆయిల్: చుండ్రును వదిలించడంలోనూ మరియు నేచురల్ కండీషనర్ గాను హెన్నా లీవ్స్ తో తయారు చేసే నూనె అద్భుతంగా పనిచేస్తుంది. చుండ్రు లేకుండా సున్నితమైన సిల్కీ హెయిర్ ను పొందవచ్చు.

యూకలిప్టస్ ఆయిల్: యూకలిప్టస్ ఆయిల్ లోని ఔషధగుణాలు మనందరికీ తెలిసిన విషయమే. అందుకే ఈ ఆయిల్ ను హెయిర్ కూడా అప్లై చేస్తారు. తలలో చుండ్రు మరియు ఇతర ఇన్ఫెక్ష నుండి కేశాలకు రక్షణ కల్పిస్తుంది.

నువ్వుల నూనె: నువ్వుల నూనె యాంటీ డాండ్రఫ్ ఆయిల్. అయితే హెయిర్ గ్రోత్ కూడా బాగా ఉంటుంది. చుండ్ర వల్ల తలలోని చర్మ రంద్రాలు మూసుకుపోయి. జుట్టు కణాలకు గాలి సోకకుండా చేస్తుంది. కాబట్టి నువ్వుల నూనె డాండ్రఫ్ ను వదలగొడుతుంది. దాంతో కేశాలు ఆరోగ్యంగా పెరగుతాయి.

మస్టర్డ్ ఆయిల్(ఆవనూనె): మందపాటి జుట్టు..నల్లటి జుట్టు పొందాలంటే మస్టర్డ్ ఆయిల్ ను ఉపయోగించవచ్చ. మస్టర్డ్ ఆయిల్ తలలో బ్లడ్ సర్కులేషన్ పెంచి జుట్టు పెరగడానికి సహాయపడుతుంది.