జుట్టు నల్లగా-ఆరోగ్యంగా పెరగడానికి వంటింటి చిట్కాలు

గుడ్డుతో ప్యాక్

ప్రతిరోజు తలస్నానం, కండీషనింగ్‌ చేసుకోవాలి. ఆలీవ్ నూనెకు గుడ్డు తెల్లసొనను కలిపి తలకు పట్టించాలి. 20 నిమిషాలు అలాగే ఉంచి, ఆ తరువాత తలస్నానం చేస్తే, జట్టుకు చక్కని పోషణ అంది పట్టుకుచ్చులా మెరిసిపోతుంది.

ఉసిరి ప్యాక్

ఉసిరి కేశాలు బాగా పెరగడానికి ఉపయోగపడుతుంది. ఎండు ఉసిరిని రాత్రంతా నీళ్లల్లో నానబెట్టి తలస్నానం చేయడానికి ఉపయోగించాలి.

ఆలివ్ నూనె-

తేనె రెండు టీస్పూన్ల తేనెకు మూడు టీస్పూన్ల ఆలివ్‌ నూనె కలిపి.. ఈ మిశ్రమాన్ని కుదుళ్ల నుంచి తలంతా బాగా పట్టించాలి. ఇరవై నిమిషాలయ్యాక గోరువెచ్చని నీటితో తలస్నానం చేస్తే మంచి ఫలితం కనిపిస్తుంది.

సల్ఫర్ ఫుడ్స్

చేపలు, పాలు, ఉల్లిగడ్డలు, అల్లం, క్యాబేజ్‌ లలో సల్ఫర్ అధికంగా ఉంటుంది. కాబట్టి వీటిని ఎక్కువగా తీసుకోవడం మంచిది.

బాదం ఆయిల్

వెంట్రుకలు మరీ జీవం కోల్పోయినట్లు అనిపిస్తున్నట్లయితే.. అరకప్పు బాగా పండిన అరటిపండు గుజ్జుకు నాలుగైదు చుక్కల బాదం నూనె చేర్చి జుట్టుకు బాగా పట్టించాలి. కాసేపటి తరువాత, ముందుగా సోడాతోనూ ఆ తర్వాత నీటితోనూ కడిగేయాలి. చివరగా కండిషనింగ్‌ చేసుకుంటే జట్టు సహజ స్థితిలోకి వస్తుంది.

సి విటమిన్స్ ఫుడ్స్

ఐరన్ లోపంతో జుట్టు ఎక్కువగా రాలుతుంది. సీ విటమిన్ ఎక్కువగా ఉన్న పళ్లను, కూరగాయలను తీసుకోవడం వల్ల జుట్టు రాలడం తగ్గుతుంది. నిమ్మ జాతి పళ్లు, కాలీఫ్లవర్స్, ఆకు కూరలలో ఎక్కువగా ఉంటుంది. థైరాయిడ్ సమస్య వల్ల కూడా జట్టు రాలుతుంది. విటమిన్ ఎ, ఆయోడిన్‌తీసుకోవడం వల్ల జట్టు రాలడాన్ని అరికట్టవచ్చు. క్యారెట్, పాలకూర, అవిశల నూనె, గుమ్మడి పండు, సముద్ర ఉప్పు తీసుకోవడం వల్ల దీనిని నివారించవచ్చు.