సమ్మర్ ఎఫెక్ట్ కారణంగా తలలో చెమట, దురద చికాకు పెడుతున్నాయా ?

ఆయిల్

ఆలివ్ ఆయిల్, కొబ్బరినూనె, ఆల్మండ్ ఆయిల్.. ఈ మూడు ఆయిల్స్ చాలా మంచివి. కాబట్టి సమ్మర్ ఈ ఆయిల్స్ తో తలకు బాగా మసాజ్ చేయడం వల్ల జుట్టు డ్రై అవకుండా, రాలకుండా కాపాడుతుంది.

వెనిగర్

స్కాల్ప్ కి వెనిగర్ అప్లై చేయడం వల్ల శరీరమంతా చల్లటి అనుభూతి కలుగుతుంది. వెనిగర్ ను జుట్టుకి మసాజ్ చేయడం వల్ల.. పొడిబారడం, దురద వంటి సమస్యలు కూడా దూరమవుతాయి.

కండిషనర్

మీ జుట్టు చాలా డ్రైగా, రఫ్ గా మారింది అంటే.. హోంమేడ్ కండిషర్ లతో స్కాల్ఫ్, రూట్స్ బలంగా తయారవుతుంది. కాబట్టి.. ఇంట్లోనే ఏదైనా హెయిర్ ప్యాక్ అప్లై చేసుకుంటే మంచిది. రాత్రి మెంతులు నానబెట్టి ఉదయాన్నే పేస్ట్ చేసి.. పెరుగు కలిపి పట్టించుకోవడం వల్ల చల్లటి అనుభూతి కలుగుతుంది.

లూజుగా వదిలేయడం

సమ్మర్ లో జుట్టుని ఎక్కువసేపు టైట్ గా ముడివేసుకోకూడదు. జుట్టుని కట్టుకోవడం వల్ల తలలో చెమట ఎక్కువ అవుతుంది. దీనివల్ల ఇన్ఫెక్షన్లకు అవకాశం ఉంటుంది. కాబట్టి జుట్టుని వదిలేసి.. ఎంజాయ్ చేయండి.

తలకు రక్షణ

సూర్యకిరణాలు డైరెక్ట్ గా తలపై పడటం వల్ల జుట్టు ఎక్కువ డ్యామేజ్ అవుతుంది. కాబట్టి జుట్టుని ప్రొటెక్ట్ చేయడం చాలా అవసరం. బయటకు వెళ్లినప్పుడల్లా.. ఖచ్చితంగా.. జుట్టుని కవర్ చేసుకోవాలి.

దోసకాయ

దోసకాయ చర్మానికి, జుట్టుకి చాలా మంచిది. మీ స్కాల్ఫ్ చల్లగా ఉండాలని మీరు కోరుకుంటున్నారా.. అయితే.. కుకుంబర్ జ్యూస్ తో.. మీ జుట్టుని వారానికి ఒకసారి శుభ్రం చేసుకోండి. లేదా దోసకాయ హెయిర్ ప్యాక్ వేసుకున్నా.. జుట్టు షైనింగ్ గా, అందంగా కనిపిస్తుంది.

నీళ్లు

జుట్టుకి నీళ్లు మంచి మెడిసిన్ లా పనిచేస్తాయి. వారానికి రెండుసార్లు నీటితో తలను శుభ్రం చేసుకోవడం వల్ల సమ్మర్ లో మీకు చల్లటి అనుభూతి కలుగుతుంది. ఇన్ఫెక్షన్స్, జుట్టు సమస్యలు తగ్గిపోతాయి.