డ్రై అండ్ రఫ్ హెయిర్ నివారణకు ఎఫెక్టివ్ హోం మేడ్ హెయిర్ ప్యాక్స్

హెన్నా

జుట్టుకు హెన్నా అనేక విధాలుగా ప్రయోజనం చేకూరుస్తుంది. ఇది పొడి జుట్టు చికిత్సకు సహాయపడుతుంది. జుట్టు పోగులు బలంగా మరియు మృదువుగా ఉండటానికి మరియు చుండ్రు తగ్గటానికి సహాయపడుతుంది. హెన్నాలో యాంటీబాక్టీరియల్ మరియు యాంటీ ఫంగల్ లక్షణాలు ఉండుట వలన మీ జుట్టుకు పోషణ మరియు జుట్టు పెరుగుదలను ప్రోత్సహిస్తుంది.

ఆలివ్ ఆయిల్ తేనె ప్యాక్:

4 చెంచాల తేనె, 6 చెంచాల ఆలివ్ ఆయిల్ మిక్స్ చేసి, ఈ ప్యాక్ ను జుట్టుకు అప్లై చేయాలి. ఒక గంట తర్వాత తలస్నానం చేయాలి.

ఎగ్ హెయిర్ ప్యాక్:

ప్రోటీన్ రిచ్ హెయిర్ మాస్క్ .ఒక గుడ్డు పచ్చసొన,ఒక టేబుల్ స్పూన్ ఆముదము,ఒక టేబుల్ స్పూన్ తేనే మూడింటిని కలపాలి. దీనిని జుట్టు మూలాల నుండి బాగా పట్టించాలి. ఒక ప్లాస్టిక్ షవర్ టోపీ లేదా ఒక టవల్ తో మీ తలను కప్పి ఉంచాలి. అరగంట తర్వాత శుభ్రం చేయాలి. చివరిగా ఆపిల్ పళ్లరసం వెనీగర్ తో శుభ్రం చేయాలి. ఒక వారంలో మూడుసార్లు ఈ ప్యాక్ ను ఉపయోగించాలి.

తేనె పాలు:

తేనెలో నేచురల్ పదర్థాలుంటాయి, ఇది జుట్టుకు కావల్సిన తేమను అందిస్తుంది. మీ పొడిబారిన మరియు చిట్లిన జుట్టుకు అద్బుతమైన మాయిశ్చరైజ్ ను అంధిస్తుంది. ఒక కప్పు గోరువెచ్చని పాలలోలో ఒక చెంచా తేనె మిక్స్ చేసి, తలారా పోసుకోవాలి. అరగంట తర్వాత తలస్నానం చేయాలి.

బనానా మాస్క్

రెండు పండిన అరటి పండ్లను మాష్ చేసి దానిలో రెండు స్పూన్ల మయొనైజ్ మరియు ఒక స్పూన్ ఆలివ్ నూనె కలిపి జుట్టుకు బాగా పట్టించాలి. ఒక గంట తర్వాత గోరు వెచ్చని నీటితో జుట్టు వాష్ చేయాలి. అరటి పండ్లు మృదువైన జుట్టుకు ప్రసిద్ది చెందింది. ఈ మాస్క్ నిస్తేజంగా మరియు కఠినమైన జుట్టు కలిగిన మహిళలకు అద్భుతంగా ఉంటుంది.

అవోకాడో మాస్క్

అవెకాడో పండు గుజ్జు మరియు మయొనైజ్ లను 1:2 నిష్పత్తిలో తీసుకోవాలి. ఎందుకంటే ఇది మందపాటి మరియు భారీ నిర్మాణంతో ఉంటుంది. అవెకాడో పండు అనేది పొడి మరియు నిస్తేజంగా ఉన్న జుట్టుకు ఉత్తమ చల్లని సహజ నివారణలలో ఒకటిగా ఉన్నది. మీ జుట్టుకు ఈ మిశ్రమాన్ని బాగా పట్టించి అరగంట తర్వాత కొళాయి నీటితో శుభ్రం చేయాలి.

పొటాటో హెయిర్ మాస్క్

ఒక పెద్ద బంగాళాదుంప తీసుకోని పై తొక్క తీసి మిక్సి చేసి దాని నుండి రసం తీయాలి. ఈ రసంలో ఒక స్పూన్ కలబంద జెల్ కలపాలి. ఈ మిశ్రమం బాగా మృదువుగా అయ్యేవరకు బాగా కలపాలి. ఈ మిశ్రమాన్ని పదిహేను నిమిషాల పాటు జుట్టు మీద బాగా రుద్ది రెండు గంటల తర్వాత వాష్ చేయాలి. ఈ మాస్క్ జుట్టు పెరుగుదలలో సహాయపడుతుంది. అంతేకాక హెయిర్ ఫాల్ మీద పోరాటం చేస్తుంది.

మందార హెయిర్ ప్యాక్

ఒక కప్పు ఎరుపు మందార రేకులను తీసుకోని రాత్రంతా నానబెట్టాలి. దానిని పేస్ట్ చేసి ఆలివ్ నూనెను జోడించండి. మీ జుట్టుకు బాగా పట్టించి అరగంట తర్వాత శుభ్రం చేసుకుంటే నునుపైన జుట్టు మీకు సొంతం అవుతుంది.