జుట్టుని సిల్కీగా, షైనీగా మార్చే అమేజింగ్ హనీ మాస్క్స్..!

జుట్టుని స్మూత్ గా మారడానికి

2టేబుల్ స్పూన్ల తేనె, ఒక కప్పు నీళ్లలో కలపాలి. షాంపూ చేసుకున్న తర్వాత జుట్టుకి ఈ మిశ్రమాన్ని పట్టించాలి. 5 నిమిషాల పాటు మసాజ్ చేసి.. చల్లటి నీటితో శుభ్రం చేసుకోవాలి. అంతే మీ జుట్టు స్మూత్ అండ్ సిల్కీగా మారుతుంది.

కండిషనర్

ఒక కప్పు కొబ్బరినూనెను సన్నని మంటపై వేడి చేయాలి. 2 టేబుల్ స్పూన్ల తేనె, పావు కప్పు మజ్జిగ కలపాలి. అన్నింటినీ బాగా మిక్స్ చేసి.. చల్లారనివ్వాలి. జుట్టుని చిన్న పాయలుగా విడదీసి ఈ మిశ్రమాన్ని అప్లై చేయాలి. గంట తర్వాత షాంపూ, కండిషనర్ ఉపయోగించి శుభ్రం చేసుకోవాలి. వారానికి ఒకసారి ఈ ప్యాక్ అప్లై చేయాలి.

డ్యామేజ్ అయిన జుట్టుకి

1 టేబుల్ స్పూన్ అవకాడో గుజ్జు తీసుకుని ఒక గుడ్డులోని తెల్లసొన, టేబుల్ స్పూన్ తేనె కలపాలి. ఫోర్క్ ఉపయోగించి.. అన్నింటినీ బాగా మిక్స్ చేయాలి. జుట్టుకి, స్కాల్ప్ కి పట్టించాలి. షవర్ క్యాప్ పెట్టుకోవాలి. గంట తర్వాత షాంపూతో శుభ్రం చేసుకోవాలి. ఇది జుట్టుకి మాయిశ్చరైజర్ అందిస్తుంది.

డాండ్రఫ్ నివారించడానికి

ఒక గిన్నె తీసుకుని 1 టేబుల్ స్పూన్ ఆలివ్ ఆయిల్, అరకప్పు పెరుగు, కొన్ని చుక్కల టీట్రీ ఆయిల్, టేబుల్ స్పూన్ తేనె కలపాలి. అన్నింటినీ బాగా మిక్స్ చేసి.. జుట్టుకి పట్టించి గంట తర్వాత షాంపూ, కండిషనర్ ఉపయోగించి శుభ్రం చేయాలి. అంతే.. డాండ్రఫ్ తగ్గడం మీరే గమనిస్తారు.

జుట్టుకి షైనింగ్

10 టేబుల్ స్పూన్ల యాపిల్ సైడర్ వెనిగర్, 2 టేబుల్ స్పూన్ల తేనె, 10 చుక్కల ఆల్మండ్ ఆయిల్ తీసుకుని అన్నింటినీ బాగా మిక్స్ చేసి.. స్కాల్ప్, జుట్టుకి పట్టించి.. షాంపూతో శుభ్రం చేసుకోవాలి. 15 నిమిషాల తర్వాత గోరువెచ్చని నీటితో శుభ్రం చేసుకోవాలి. ఇలా నెలకు ఒకసారి అప్లై చేస్తే జుట్టు సిల్కీగా మారుతుంది.

డ్రై హెయిర్

ఒక అరటిపండు గుజ్జు తీసి.. అందులో టేబుల్ స్పూన్ ఆలివ్ ఆయిల్, 1 టీస్పూన్ కరివేపాకు, 2టేబుల్ స్పూన్ల తేనె కలపాలి. ఫోర్క్ ఉపయోగించి.. అన్నింటినీ బాగా మిక్స్ చేసి.. జుట్టుకి అప్లై చేయాలి. గంట తర్వాత.. మైల్డ్ షాంపూతో శుభ్రం చేసుకోవాలి. అంతే జుట్టు డ్రై గా మారకుండా అడ్డుకుంటుంది.