పొడవాటి జుట్టు కావాలా ? అయితే ఇవాళే ఈ హోంరెమిడీస్ ఫాలో అవ్వండి.. !

నిమ్మరసం, కొబ్బరినూనె

ఒక టీస్పూన్ నిమ్మరసం, 2 టీస్పూన్ల కొబ్బరినూనె కలపాలి. ఈ రెండింటి మిశ్రమాన్ని స్కాల్ప్ కి రాసి.. 5 నుంచి 10 నిమిషాలు మసాజ్ చేయాలి. తర్వాత 2 నుంచి 3 గంటలు అలానే వదిలేయాలి. ఇప్పుడు దాన్ని మైల్డ్ షాంపూ, కండిషనర్ ఉపయోగించి.. శుభ్రం చేసుకుంటే.. మెరుగైన ఫలితాలు పొందవచ్చు.

ఎగ్ వైట్, ఆలివ్ ఆయిల్, తేనె

ఒక కోడిగుడ్డులోని తెల్లసొన, ఒక టీస్పూన్ ఆలివ్ ఆయిల్, అర టీస్పూన్ ఆర్గానిక్ తేనె తీసుకుని అన్నింటినీ కలపాలి. దీన్ని స్కాల్ప్ కి, జుట్టుకి బాగా పట్టించాలి. 35 నుంచి 40 నిమిషాల తర్వాత మైల్డ్ షాంపూ, కండిషనర్ ఉపయోగించి శుభ్రం చేసుకోవాలి.

హెన్నా పౌడర్, పెరుగు, నిమ్మరసం

3 నుంచి 4 టేబుల్ స్పూన్ల హెన్నా పౌడర్, 2 టీస్పూన్ల పెరుగు, 2 నుంచి 3 టీస్పూన్ల నిమ్మరసం కలపాలి. ఈ మిశ్రమాన్ని జుట్టుకి పట్టించి గంట తర్వాత మైల్డ్ షాంపూ, కండిషన్ తో శుభ్రం చేసుకోవాలి.

ఉసిరి రసం, నిమ్మరసం

ఉసిరి రసం, నిమ్మరసం రెండింటినీ సమానంగా తీసుకుని కలపాలి. దీన్ని జుట్టుకి పట్టించాలి. ఈ మాస్క్ ని 2 నుంచి 3 గంటలు అలానే ఉంచి.. తర్వాత శుభ్రం చేసుకోవాలి.

కొబ్బరినూనె, అవకాడో

2 టేబుల్ స్పూన్ల అవకాడో పేస్ట్, 2 టీస్పూన్ల కొబ్బరినూనెలో కలపాలి. ఈ మాస్క్ ని తల, జుట్టుకి పట్టించాలి. 35 నిమిషాల తర్వాత.. మైల్డ్ షాంపూ, కండిషనర్ తో శుభ్రం చేసుకోవాలి.

ఓట్ మీల్, ఆల్మండ్ ఆయిల్

అరకప్పు ఓట్స్, 2 నుంచి 3 టీస్పూన్ల ఆల్మండ్ ఆయిల్ కలపాలి. ఈ మిశ్రమాన్ని స్కాల్ప్, కుదుళ్లకు పట్టించాలి. గంట తర్వాత మైల్డ్ షాంపూ, కండిషనర్ ఉపయోగించి శుభ్రంగా క్లీన్ చేసుకోవాలి.

కొబ్బరినూనె, తేనె

కొబ్బరినూనె రెండు భాగాలు, తేనె అందులో సగం తీసుకుని మిక్స్ చేయాలి. ఈ మిశ్రమాన్ని స్కాల్ప్ కి బాగా మసాజ్ చేయాలి. 35 నిమిషాల తర్వాత.. మైల్డ్ షాంపూ, కండిషనర్ ఉపయోగించి శుభ్రం చేసుకోవాలి.